الخميس، 31 يناير 2013

قالو عن رواية فى الخاطر



رأى فى الخاطر
وصل لى من العزيزة ايمان 
قلم نسائى متمكن
مش عارفة لازم أكتب لك إيه و لا إيه طيب ؟
إنتي كاتبة رائعة جدا .. مش عشان أسلوبك و لا عشان روعتك في البساطة و التعبير و سحر القارئ .. لا .. دي أكيد ناس كتير هتقولها عشان واضحة
بس عشان روح الشهيد اللي راحت هدر رجعتي جزء من اعتبارها
عارفة ؟ أنا بحب مصر جدا .. زي أمي زيكم يعني ههه
و كنت سمعت عن الحادثة دي و الجندي اللي بدل ما يتم تكريمه ثم عقابه تم شنقه ! 
الحقيقة ساعتها زعلت أووي
بس ساعتها ولما قريت دلوقتي الرواية .. حسيت إن تاره جه خلاص .. و لو إن مفيش حاجة تعوض أم عن ابنها البطل اللي جالها جثة هامدة معرفش لو أمه ميتة فعلا و لا في الرواية بس
لما بفتكر إن النظام دة سقط .. برتاح نسبيا !
عايزة أقولك إني للأسف كنت حاسة كل كلمة كتبتيها عشان عشت جزء منها ..
الموت حاجة صعبة جدا جدا .. خصوصا لما الواحدة بتحب راجل حامل روحه على كفه .. و مستعد يبيع كل حاجة عشان وطنه ! 
لكن للأسف أوطاننا مش بتعترف بينا و لا بتضحيتنا بس دة الواجب عادي !
أنا بكره إسرائيل أوي و بكره أنظمتنا اللي بتخدمها أكتر 
و روايتك دي مستحيل هنساها ..
و لا هنسى البطل .. و لا البطلة ..
إنتي دخلتي قلبي من أول ما قرتلك الحفلة .. بس دلوقتي اسمك اتحفر بيه و بفتخر بيكي كصديقة ..

ردى عليها 

أنا أقل من ذلك وسعية انى اتعرفت عليكى وفخورة بمعرفتك وصداقتك

ليست هناك تعليقات: