الثلاثاء، 30 يوليو، 2013

مش فيلم عربي

حوار بين اتنين مخطوبين

هو : حبيبتى وحشانى اووى
هى : وانت كمان
هو : ها نفسى الايام تجرى بسرعه بقا ويجمعنا بيت واحد
هى : انا كمان بستنا اليوم ده
هو : همتك معايا بقا
هى : ازاى
هو : يعنى يا حبيبتى تدعمينى عند اهلك
هى : اه فهمتك
هو : يا حبيتى الحاجات اللى بيطلوبها كتير اووى ومفيش ليها داعي
هى : لا ازاى ترضى انى اكون اقل من بنت خالتى
هو : بس يا حبيبتى لو بصينا للناس عمرنا ماهنتجوز
هى : بس يا حبيبى انا هتجوز مر واحده بس
هو  يعنى انا اللى كل يوم هتجوز
هى : ماليش دعوة لو بتحبنى اعمل اللى يريحنى
هو : طيب
هى : حبيبى زعلان
هو : لا وهو فى حاجه تزعل لا سمح الله
هى : تسلم لى
هو : بس اعملى حسابك انا مش هتحمل كتير الرحمة يعنى
هى : حبيبى انا عارفة انك هتعمل اى حاجه علشان نتجوز
هو : يعنى انتى بتستغلى حبي ليكى
هى : ايه ده انت عايز تتخانق وخلاص
هو : انا برضو
هى : يا حبيبى اهلى مبدأهم واحد الغالى  صعب تفرط فيه
هو : يا حبيبتى ممكن جدا انفذ كل طلباتك وبعد الجواز ما يهمنى غالى ولا رخيص
يا حبيبتى البدأ انى ائتمنك على بنتى ازاى بقا تكون حريص على شوية خشب مع الوقت بيتغيروا والانسان هو الباقي
هى : حبيبى دى تقاليد
هو: تقاليد ايه انا كده عايز الفانوس السحرى او اكتشف بير بترول علشان اقدر اوفر تمن الشقه والموبليا والشبكة والمؤخر وتكاليف الفرح  والمأذون
هى : حبيبى كل الجوازات كده
هو :  اه بس برضو فى جوازات بيكون فيها تعاون بين العروسين
هى : بس احنا عيلتنا نظامها كده
هو: ايوة يا حبيبتى بس مش لانك عارفه ومتاكده انى بحبك وممكن اعمل اى حاجه علشانك اهلك يزودوها كده
هى : حبيبى هما فاكرين انهم بكده بيضمنوا مستقبلى معاك
هو : يعنى انتى مش موافقة على اسلوبهم
هى : لا
هو : بجد
هى : اه طبعا يا حبيبى عش العصفورة يكفينا انا الود ودى اننا نعيش فى خيمة
هو : يا حبيبتى وانا كلى ليكى
وعلشان الكلمتين دول انا  هستحمل اى حاجه حتى لو ابوكى  قصدى عمى طلب لبن العصفور
هى بخبث : يا حبيبى  ربنا يخليك ليا
***************

ليست هناك تعليقات: