نايل لايف : تقرير عن الشهيد سليمان خاطر

نايل لايف : تقرير عن الشهيد سليمان خاطر

نسائم 2

سياسه النفس الطويل

محاولات مستميته من النظام السابق  لاجهاض الثوره الحقيقه النظام واتباعه لم يترك شىء الا وقام به

الاول اغراق مصر فى حاله من الفوضى عارمه  مع غياب متعمد من رجال الشرطه

ثانيا انتهاز فرصه تواجد اى حدث هام بسيط يشغل المواطن حتى لو كان مباره كره قدم

فيقوم

باطلاق ماجوريه لافساد اللحظه وأحداث قلاقل واختراقات امنيه مما يترتب عليه اغراق البلاد فى فوضى والظهور بمظهر لا يليق تماما كما حدث فى مباره مصر وتونس

ومباره الاهلى وكيينا و مشكله الالترس الذي قام الامن بالتصدى له لانه يقوم بسب الوزير السابق للداخليه

 اليس  العادلى مجرما لماذا تصدى لهم الامن هكذا رغم انه من المفروض بالنسبه لهم اسم على قائمه المعاقبين قانونا !!!!!!!! اذا ما الداعى لكل ذلك العنف؟؟؟؟؟؟؟؟؟؟؟ بليز حد يجاوبنى ؟

أنا بشوف ان ما حدث فى الالتراس كان بهدف شغل الشعب بمطارده الشرطه والبعد عن الجيش  بعد تكرر نداءات لاسقاط المجلس العسكرى  وسنتحدث لاحقا على ذلك ....

عندما فشل النظام فى  زرع فتنه طائفيه فى مصر بدا يلعب على وتر الامن مفيش امن فى مصر فى بلطجه الشوارع فيها لصوص وبلطجيه رغم انه من خلال سفرنا وتجولنا فى الشوارع لا اجد الوضع هكذا ولكن اهى محاوله للضغط على الشعب وجعله يتذمر ويقول  بحسره فين أيام المبارك !!!!!!!!!!!!

*********************

نداءات

بعد استقرار الاوضاع مبدائيا فى اعقاب الثوره نجد ان هناك نداءات لاسقاط الجيش

الحقيقه أنا أنا ايضا كنت ممن نادى باسقاط المشير وذلك لعده اسباب  اولا لانه كان وزيرا فى حكم المبارك لمده 23 سنه اى سيكون ولائه الرئيسى له حتى بعد الثورة ثم كنت من مؤيدى مجلس رئاسى   لكن مع الوقت اتضح ان  الجيش اساسا مثل من يحمل كره لهب لا يستطيع تحملها بمعنى انه فى موقف لا يحسد عليه  ومحتار بين ارضاء الشعب والتعامل معه بكل طوائفه واتجاهاته وانتماءاته وبين  وظيفته الرئيسيه  وتامين حدود البلاد وبين الحفاظ على ترابه وبين ضبط النفس من العدو الصهيونونى  وبين بلطجيه النظام ومؤامرات داخليه وخارجيه الحقيقه الجيش المصرى بمجلسه العسكرى سيكتب فى التاريخ بحروف من ذهب  واقول لكل من ينادى باسقاطه بالمنطق كده بتقولو ان لابد من الغاء المحاكم العسكريه للمدنيين

ياريت حد يقولنا مين المدنيين اللى اتحاكمو عسكريا مش لص سرق ولا تعدى على ملكيه خاصه ولا شخص اعتدى بالاغتصاب على اى حد يعنى خارج على القانون مش كده ولا ايه يبقى هما دول اللى انتو زعلانين علشانهم ولا دول ناس استغلو وضع البلاد المضطرب وقامو بشىء خارج فكان لابد من الردع فكانت الاحكام العسكريه وبعدين ازاى نحاكمهم مدنيا فى ظل غياب تام للشرطه والمباحث الجنائيه  ومع  ما تبقى من الداخليه بلييييييييييييز حد يقولنا ليه ؟

الغاء للاحكام العسكريه طيب لو اتلغت نطبق ايه على كل خارج قاون ؟

ومحدش يقولى اصل الناشط السياسى كذا اتقبض عليه ....... طيب اتقبض  عليه ليه اكيد فى حاجه غلط عملها كفايه بقى استخفاف بالعقول ماهو مش منطقى ان حد يتقبض عليه ويوضع فى السجن لانه كتب مقال نقدى ولا لانه رسم رسمه عبر فيها عن رايه ........... احترمو عقولنا شويه ............

*******************************************************8

مليونيات

منذ قامت ثوره يناير وهناك ارتباط شديد بميدان التحرير وكل مياديين مصر لذا تتجدد النداءات للجمعات من كل اسبوع  مهما اختلفت المسميات لكنها فرصه للتعبيير عن مطالب الشعب وفرصه لاثبات شىء للقائمين على البلاد وامام العالم أننا كشعب اهو متحدين ولكل من يحيك المؤامرات احنا اهو قادرين على تامين من يدخل ويخرج من بييننا وأننا اهو مفيش اى خروج على القانون واختارنا يوم مش هنعطل بيه الآنتاج وبنظف مكأننا قبل ما نترك الميدان اظن مفيش اكتر من كده تحضر

ولكن عندى راى صغيير كده قبل كل  جمعه فى اعقاب الثوره كانت تحدث بعض امور البلطجه والهجوم الغير مبرر على المتواجديين فى الميدان وبدات تلك الظاهره فى الاختفاء كليا بعد سقوط امن الدوله مما  لفت نظرى الى ان يكون ما  يحدث من شغب الملاعب او بلطجيه مسرح البالون او الفتنه المزعومه بعد هدم الكنسيه وأحداث امبابه اكاد اجزم انها كانت محاولات مضنيه من جهاز امن الدوله السابق فى محاوله لاجهاض الثورة

************************************************************8

المجلس

وتعالو بقى بعد تولى المجلس العسكرى للبلاد طبعا الجيش كان فى موقف صعب جدا ولا لازال الحقيقه

لماذا لان لكل نجاح اعداء وان قاطنى طره لاند تفننوا فى تدبير المؤامرات ضد الشعب الذى كان سبب رئيسى فى وضعم فى السجن واتضح ذلك فى محاولات النظام السابق واعوانه بعد فشلهم فى بث الذعر بالهاربين من السجون  لجأوا للوقيعه بين نسيج الوطن وتم اشعال فتنه وهميه بين المسيحيين والمسلمين فى أحداث امبابه وما قبلها من حرق كنسيه وهدمها

ليطالعنا عقلاء الدين من الجهتين وذكرنا بعض القساوسه بانه فى ظل الغياب التام للامن لم يحدث اعتداء وأحد على كنسيه كيف بالله عليكم يقوم ملتحيين بحرق كنسيه وتم السيطره على الامر بعد اقتنع المواطنيين وبدا الشعب يآخذ حذره من كل ما يمر امامه ويقوم بتحليل الامور قبل الآندفاع فى اتخاذ القرارات ومرت الأيام والحياه تسير مع توالى القبض على اتباع النظام الفاسد ووضعهم فى السجون فى اكبر حمله قبض على رؤس للنظام فى العالم باكمله ومن هنا اسجل تحيه خاصه وانحناءه ورفع قبعه ايضا للثوار الذين بفضل صمودهم فى الأيام التى تلت 25 يناير   تمت محاكمه فرعون ونظامه ايا كانت النتائج يكفى ان من سياتى بعده سيخاف من ارتكاب اى شىء خارج  وان مدته ستجعله على الاقل يعمل باجتهاد حتى ينال تقدير الشعب من اجل تجديد فتره حكمه للمره الثانيه وفى كل الاحوال الثلاثه اطراف مستفيده الشعب عاش حياه كريمه والبلد اصبحت فى تقدم وازدهار والرئيس نفسه دخل التاريخ من اوسع ابوابه حسب انجازاته يا ترى هنشوف الأيام دى اتمنى

هذا باختصار  وبناء على تجربه شخصيه مأحدث فى أيام الثوره الاولى

*****************

...........................

طرق الحكومات للتصدى لعدوى الثوره

********************

**************

****

فى مصر قبل 25 الاعتقال لكل من يعارض

اجراءات متبعه عقب ثوره مصر وتونس فى بعض البلاد العربيه

فى لبييا الغاء يوم الجمعه

فى السعوديه الغاء اكبر المياديين بها وجعل الشوارع اتجاه وأحد فقط

والبقيه تاتى

****************************************************

قبل وبعد

الشخصيه المصريه

فى محاوله لرصد التحول فى الشخصيه المصريه كان لابد من كتابه هذه السطور

كان فى السابق كل ما يهم المواطن  واكبر همه هو توفير لقمه عيش لاولاده فكان مطحونا بين اكثر من عمل لتوفير حياه هنيئه  لعائلته  وكان يعمل ونفسه ذلليله ولكن بعد الثوره تجد الوجوه عليها ارتياح حتى لو كانت لازالت الصوره قاتمه او غير واضحه لانه كما قال لى أحد الاصدقاء كى نبنى لابد ان نكون فى العراء قليلا

ورغم ذلك المس تفائلا بين طيات الكلام نظره للمستقبل الجميل مع الوعى الكامل بالحريه فى التعبير وابداء الراى واصبح الشعب على داريه بما يحاك ضده من مؤامرات واصبح  شغله الشاغل الاوضاع فى البلاد والترقب  الدائم والآنتفاض والتماسك عقب اى مؤامره او محاوله لاجهاض ثورته والنصر الذى صنعه بيديه تماما مثل المزارع الذى يرعى زرعه ويترقب نموه هكذا اصبح المواطن المصرى لديه قناعه بان غدا سيكون افضل يكفى ان اولاده واحفاده سيكونو افضل حال منا

لذا أنا اسجل اعجابى وانبهارى بالمواطن المصرى الذى يعتبره اعداء الثوره اصبح ديكتاتور  فى اتخاذ القرار

***********************

*************

انقسام  مزعوم

بعد ان تم القبض على نجلى الرئيس وبعد قرار بحبس مبارك احتياطيا  ومنعه من السفر  ظهرت جماعه احنا اسفين يا ريس او ابناء مبارك

الحقيقه هما ككيان  لابد من احترام وجوده لكن نفسى اسالهم سؤال بسيط هما اسفين منه على ايه ؟؟؟

على الفقر والناس اللى عايشه فى المقابر

على منظومه التعليم العقيمه

ولا  على وازره الصحه ووالدم الفاسد

ولا على تجاره الأعضاء وخطف الاطفال وبيع الأعضاء للخارج

ولا على تصدير الغاز لاسرائيل

ولا على شهدائنا اللى بيموتو على الحدود ولا...

على شبابنا اللى زى الورد اللى ماتو فى البحر المتوسط نتاج للهجره غير الشرعيه

للمحسوبيه  والرشاوى اللى كانت علنيه علشان تشتغل فى وازراه الكهراباء ادفع 35 الف جنيه وهذا على سبيل المثال لا الحصر

على سيناء اللى اهالينا رجعوها بدمهم وهما باعوها للاغراب والاجانب خيانه عظمى اخرى

على اهالينا فى اللى فى النوبه والصعيد اللى مش لاقيه حتى نقطه مياه تشرب منها

على القطار اللى اتحرق بمن فيه لان الفرامل بتاعته كانت عطلانه

ولا  على السفينه اللى غرقت بالمعتمريين بعد ان تسلموا نداءات استغاثه منها

ولا على طمس الشخصيه المصريه على المستوى المحلى والاقليمى

على افتعال الازمات الدوليه والوقيعه بين الدول العربيه

ولا على محاباته لامريكا واسرائيل على حساب الفلسطنيين

ولا اسفين لانهم نهبو  اثأر مصر على مدار الثلاثين سنه الماضيه

ولا على الفلوس المنهوبه من مستشفى سرطان الاطفال ولا من فلوس الهلال الاحمر ...........

ولا على البيضه ولا الفرخه ولا مين ولا ايه .............

ياترى حد منهم يقولى هما اسفين على ايه

يمكن اسفين على مليارته

؟؟؟؟؟؟؟؟؟؟؟؟؟؟؟

يمكن

!!!!!!!!!!

*************************************

                                                                                  

التلون

فى الاعلام واهل الفن

****

بالنسبه لرجال الاعلام بعد تولى قياده وزاره الاعلام رجلا عسكريا حاول التوفيق بين اوضاع العامليين فيه لان تكررت الشكاوى والاعتصامات من  عدم تكافؤ الفرص وان هناك فجوه كبيره بسبب الرواتب فما كان من القائم على الوزاره بتقليل المرتبات حتى يتم عمل حد ادنى للاجور بعد ان وجد رجال اعلام يربحون بالملايين واخرين لا

وبناء على ذلك ومن وجهه نظرى الخاص أنا بعتبر كل ما ترك موقعه احتجاجا على خفض الراتب خائن ويدعى الوطنيه والوطنيه منه براء لانه بعد تصحيح الاوضاع ترك كل الاعلاميين المشهورين اماكنهم واصبحو يتشدقو ويتحدثون بحسره عن مستقبل الاعلام  المحلى بعد ان تركوه طبعا لان من عاشر القوم اربعين يوم فما بالك بان هؤلاء عاشرو نظام فاسد كان على رؤسنا لمده 30 سنه وكمان الحاكم اله هم ايضا الهه  بمجرد تركهم اماكنهم انهارت المنظومه الاعلاميه  لا طبعا اعطو الوجوه الجديده فرصه وانتو ترو ان مصر ولاده وان فيها من هم لديهم الكاريزما والمؤهلات اللازمه لاى مكان لكن  نفسى فقط ان يشغل تلك الاماكن ويطالعنا على الشاشات من هو فعلا اهل لذلك وليس ابن فولان ولا قريب فولان ولا ابن المحامى المشهور كذا واتمنى ان يبدا الامر بتعيين بعض الفنانيين من لديهم رصيد مع الجمهور المصرى كمقدمين برامج حتى يتم تطهير الجهاز باكمله واقاله من احتكرو الكراسى ولهم واسطه وفى نفس الوقت يتم تدريب من يتقدم لا ننا فى مرحله بناء اتمنى نرى على اثرها وجوه جديده وشخصيات جديده حتى لو كانت ليست لديها الخبره الكافيه مع الوقت ستكتسب  الخبره وان يشترط عليهم الا يكونو تابعيين لاى جهه ما او يكونو حياديين تماما ........... هل ممكن يجى اليوم ده ...... اتمنى !!!!

وعلى جانب اخر ظهرت قوائم سوداء تضم بعض الفنانيين الذين كانو ضد الثوره ولا اخفيكم سرا من الجيد ان ظهرت تلك القوائم لا لاشيىء الا لكشف الحقيقه واسقاط الاقنعه

ولابد ان اسجل نقظه هامه مع المطربين عمرو دياب وتامر حسنى الاخير زار الميدان ومعه حراسه مما استفذ الموجوديين فى الميدان فقامو بطرده من الميدان وضربه وأنا من هنا بقول له  لو حبيت تنزل الميدان كنت روح بصفتك الشخصيه بمفردك لا بصفتك فنان ويا ترى ليه كنت رايح بالحراسه ؟؟؟؟؟؟؟؟؟؟؟

تامين لشخصك من المعجبات لا سمح الله ولا من البلطجيه اللى معتصمييين !!!!!!!!!!!!

وعمرو دياب الحقيقه أنا كنت بحب له بعض الاغانى لكن بعد موقفه  الاخير فى اعقاب الثوره اصبحت بكره حتى سماع اسمه لان الفنان فور تفجر الاوضاع فى مصر  آخذ طائرته الخاصه وهرب لخارج مصرى ليكون  فى نظرى الخاص ونظر كل الشعب المصرى خائن وموقف أنانى  بحت

ليفقد احترامه امام الشعب العريق ومن كان له الفضل فيما وصل اليه ليس لكل مصرى طائره  خاصه مش كده ولا ايه  شىء مخزى فعلا ........... ولا تعليق

...........................

مذكرات

مذكرات زوجه مصريه

من الحياة


طبعا دى حاجات عاديه ممكن جدا تكون فى اغلب البيوت المصريه
بس الحقيقه حبيت اشارككم بعض المواقف اللى روتها ليا احدى الصديقات

وطبعا كلنا عارفين بيوتنا كلها مشاكل وهموم وروتين يومى
الشغل ..... الاولاد مشاكلهم
النهارده الولد مريض لا .. اخوه اتنقلت له العدوى

طبعا بعد الشر على كل المتابعين
مشاكل ضغوط الحياه
غلاء .....حر..... زحمه مرور..... سحابه سوداء ....
وكان لابد من التوقف امام معامله الزوج
لانه فى الاصل داخل كل رجل طفل كبيير
فى منا من تتقن فن التعامل معه
ومنا من تمل بسرعه
ومنا من تجهل كيف تتعامل معه



وطبعا لازم نتفق ان المركب اللى ليها اتنين رؤساء لازم تغرق
فلازم يكون لمركب الزوجيه رئيس واحد لانه مادام ارتضى الطرفين تكوين بيت واسره وعائله
لابد ان يتحملو عواقب فعلتهم
يعنى لا اعاند وخلاص
ولا اجادل لو ادركت بفطنه المرأه ان الطرف اللى امامى
مش مقتنع
طبيعه بشريه ممكن او خلاف فى التنشئه
او مفهوم خاطىء عن ادارة الامور وازمات الحياه جايز جدا
لازم المراه الزوجه تكون حكيمه فى تصرفاتها وتتعلم متى تصمت
ومتى ترد
وهذا لا يمنع انها تنفجر كل مده كده اثبات وجود
وتعبير عن القهر والسخط واعتراض على سياسات الزوج




وتطبيقا لمبدأ نحن هنا
واياكى و ترك البيت مهما حصل
ده بيتك مملكتك
هو اللى يمشى !

يعنى مثلا لو لقيتى  الزوج  بيزعق على الفاضى  ... من غير سبب
يذكر طبعا تحت بند التلكيك
عادى جدا حطى اعصابك فى ثلاجه
وبمنتهى الهدوء وابتسامه الموناليزا وببروووووود
فى ايه؟
طبعا هو هيتجنن ويزعق اكتر
عاااااااااااااااااااادى جدا خاااااااااالص
يعنى اهو عامل جو فى البيت والله الزعيق له فوائده معنويا على اقل تقدير
يعنى بيشعر بوجوده
وحاجه تانيه اهو تغيير وتنفيس عن غضبه
واهو منظر امام الجيران احنا كمان عندنا زعيق اشمعنى انتو !

ولو  مثلا  فى نهار رمضان والدنيا صيام لقيتيه دخل المطبخ بعد يوم شاق فى العمل والحر
ومثلا اتعصب عليكى لان زجاجه مياه مش بارده ولا نصفها بس
عاااااااااااادى جدا اصل المغرب ممكن يأذن بدرى فى اليوم ده وهو شايل هم ان ما يكون فى مياه بارده
جاهله انتى ازاى مثلا تسيبى الزجاجه نصفها ولا لسه مش بارده
غريبه والله طيب دى الثلاجه شغاله طيب التقصير منين بقى ؟؟؟؟؟

ولا كأن عندك اطفال مش بيصوموا ولا لسه لا سمح الله الساعه 2 ظهرا والمغرب على 7 ونصف

بجد غلطانه فى حد لسه بيعمل كده ولا انتى بتحبى تجيبى الكلام لنفسك

يعنى لازم تقدرى ان مفيش حد صايم الا هو وان السبب فى السيجاره والقهوه
طبعا نقصهم بسبب الصيام هو السبب مش هو لا سمح الله
الازواج دووووووول ملائكه والله
شريره انتى

نيجى بقى لو الاولاد فى يوم العطله صحيو بدرى شويه وهو استيقظ على هزارهم ولا

حكاياتهم ولا يعنى لو صوتهم ارتفع شويه اطفاااااااااال يعنى
لازم تكونى مستعده لدش الصباح من التوبيخ على الصبح
وده لانك غلطانه اكيد ازاى مش قادره تسكتيهم امال وظيفتك ايه يعنى
ولا بطاريات الريموت كنترول خلصت
طيب ممكن جدا تعملىهم على وضع الاهتزاز بس 

************** 

تعالى بقى قولى تخيل اليوم رحت السوق ولقيت ان الخضار الفولانى بقى بسعر كذا

ايه الغلاء ده تلاقى نظرات الدهشه تعلو وجهه وكانه من كوكب تانى وكانه اول مره يسمع ان فى غلاء

مش لا سمح الله ان الغلاء حديث الفضائيات والمدينه ورجل الشارع

وتلاقى الاجابه فى استنكاااااااااااار ليه ؟؟؟؟

ناقص يقولك انتى السبب فى الغلاء ولا فى فساد المحاصيل ولا كمان سبب موجه الحر اللى افسدت المحاصيل

             

ويبقى يوم ما ظهرت له شمس لو كنتى مضايقه من تصرفات احد اقاربك وانتقدتى سلوك ما امامه

ياااااااااااااااه هات يا سرد بتجريح فى عائلتك وطريقتهم واسلوبهم فى الحياه واداره الازمات

واقد ايه كلهم سلبيات و كل ده بالتفصيل الممل ومع ملاحظه ذكر مواقف عفى عليها الزمن وبتكون نتاج فعل

يعنى رد فعل من جانبهم على امر ما

 وهات يا مدح فى عائلته ونجاح عائلته مش كفايه انجبت لنا الجهبز

***********

ويا سلام لو اشتكيتى من الولاد تخيل ابنك قال كذا او بدر من التصرف كذا

تلاقى على طول وابل من التأنيب انتى كده على طول شكوى تذمر

 مش بقولك الازواج دول ملائكه

 والخلاصه يعنى انتى سبب اى  كارثه طبيعيه فى العالم عادى جدا

ومش بعيد تكونى سبب تدهور الاوضاع الاقتصاديه فى البلاد ولا انهيار البورصه ما انتى كزوجه سرك باااااااااااتع

وهو كتر خيره متحمل وساكت

*************

وروت لى صديقه انها اتخانقت مع زوجها بسبب مول

تخيلو هى بتقوله هاخد التاكسى ينزلنى امام المول كذا علشان اروح الشارع كذا

وطبعا المول والشارع من ثوابت وعلامه مميزة للشارع

طبعا الزوج كتر خيره

افسد عليها معلوماتها وعكس الامر  طبعا هو اختلط عليه الامر بينه وبين مول اخر

الست لما يئست واما اصرار الزوج قالت له حاضر  انا هركب التاكسى وهو ادرى

وراحت تسالنى ازاى اروح للمكان الفولانى

فقلت لها عارفه المول كذا هو بجانبه

     

طبعا الست ضحكت وراحت حكت عن المشاده اللى بينها وبين زوجها

واجمعنا انهم استحاله يعترفوا انهم اخطأوا او حتى يسكتوا لازم الفتوى

     

تقريبا اللى مش بيقدروا يعملوه امام رؤساهم بيعملوة فى البيت جميل ان الواحد يكون قيادى

بس قيادى بعقل ومنطقيه مش كلام فى الهواء

يعنى لازم تكون اعصابك كلها فى الفريزر علشان ما تصابى بالامراض المزمنه

والغير مزمنه

***************

ويا سلام

لو طبختى طبخه ما ،   وما لها طريقه طهى الا كده

وفجأه على الاكل واثناء التناول تلاقى تساؤل بأندهاش

ايه ده ؟؟؟

طبعا الرد فى بساطه دى كذا

تلاقى الرد فى استنكار

لا طبعا محدش بيعمل كده حد يحط على البسله جزر مثلا

والمفروض الكوارع قبل ما تتقدم تتحمر!!!!!!!!!!!!!!1

حد يحمر الكوارع يااااااااااعاااااااااااالم الحقونا ............

والعجيب  فى الامر فعلا ان نفس الوجبات لها نفس طريقه الاعداد تقريبا يعنى

بس اللى بيتغير او بيفرق من واحده لاخرى النفس طريقه التقديم االتتبيله كده

بس اللى اكتشفته ان  نموذج الزوج ده متكرر فى كل البيوت

يعنى مثلا واحد اختلف مع زوجته على البابا غنوج هو يقول الباذنجان مسلوق

وهى تقول مشوى !

انا بشوف ان الاكل والمطبخ ده تخصص الزوجه والزوج ماله دخل فيه ان شاء تطبخ عدس

ولا ايه ؟  وكمان بشوف ان نموذج الزوج بتصرفاته كده تندرج تحت بند التلكيك وانه كطبع فيه بيتخانق مع دبان وشه

ومش عنده مشاكل تذكر زى الخلق والعالم

بس اللى مش عارفه افهمه ليه دائماً بيصب غضبه على الواحده   واكتشفت  مع الوقت ان الشكوى واحده تقريبا من كل الزوجات

بس االحقيقه ده مش معناه ان الزوجات ملائكه  لكن الاكيد ان

هناك  علاقه بين عمل الزوج وكاريره اللى بتترك عليه البصمات دى

*******************

الحرب البارده



الحرب البارده

بين زوجه الابن والحموات الفاتنات

لكل مقبله على الزواج

 

فاكرين فيلم الحموات الفاتنات ولا حماتى ملاك

تقريبا الفيلم لخص العلاقه بين ام الزوج وزوجه الابن

وبين الزوج وام الزوجه

على العموم ممكن جدا الزوج يترفع عن المشاكل التى تسببها ام الزوجه

يمكن رجاحه عقل

ولا نظرا لانشغاله

اما المشكله الكبرى هى العلاقه بين الزوجه وام الزوج

طبعا الافلام تناولت الحرب البارده اللى بينهم  بطريقه سطحيه

لانه فى الاول والاخير كان الغرض النقد بطريقه كوميديه بس الواقع

بيقول ان الوضع مختلف كتييييير

ولكن ده لا ينكر ان ام الزوج بتحتاج معامله خاااااااااااصه جدا

 علشان كده تلاقى اى واحده مقبله على الزواج خائفه

وان صح التعبير ممكن تقول انها مرعوبه

طيب فيها ايه لو اعتبرنا ام الزوج   بمثابه ام لنا وعاملناها بالحسنى

مع مراعاه فارق االسن وطريقه التفكير اكيد مش هنحس بأ ى مشكله

بمعنى تانى لازم نقدر انها ام وضحت وسهرت علشان تجعل من الزوج رجل يعتمد عليه

وكمان ياريت بنظره مستقبليه نضع نفسنا مكانها لانه مع مرور الايام ستجدى نفسك مكانها بالفعل

وكما تدين تدان

يعنى لازم نراعى مشاعرها كأم  ونصمد امام حركات الحموات

والزوجه الناجحه هى التى تتقن معامله اهل الزوج

ولازم لا تستجيبى لاى استفزات كانت ولازم تخلى اعصابك فى تلاجه

لانه مهما حصل هتطلعى غلطانه

اولا لانك صغيره السن

وثانيا لان استحاله امهاتنا تغلط

دى ام مهما حصل ورضاها من رضا الرب

يعنى بالعربى كده كلى عيش وعيشى فى سلام

ههههههههه

وبعدين صعب جدا تغيرى من اسلوب حد بلغ من العمر ارذله

بس ممكن جدا اغير من طفل واعيد تشكيله ثم ازاى اساسا هتقولى انها غلطت مثلا

ماهو لازم نراعى السن

طيب خدى بقى شويه نصائح خاصه جدا

فى حاله اذا كنتى تسكنين فى بيت العائله

شوفى لازم تحطى فى دماغك نقطه معينه  ان الزوج  لو كان له اخوات ولهم زوجات

 سيكون هناك تنافس

بين الزوجات فى محاول كسب رضاء الاهل واستمالتهم نحوهم

فى الحاله دى اتعاملى عاااااااااادى جدا وبطبيعيه هتملكى القلوب لان مفيش احسن من البساطه علشان تدخلى القلوب

ولو تقربت منك احدى الزوجات وصادقتك خليكى فى السليم اوعى تشكى من اهل الزوج نهائى ليها

حتى لو هى اشتكيت لانها وقت الجد هتكون فى صفهم وهتكسب نقاط على حسابك

فتعاملك معاها على الحياد وباقتضاب

اشتكيت من ام الزوج

قولى يمكن ما كنتش تقصد

 او ربنا يهدى الحال لا تحاولى تنخرطى معاها فى تفاصيل وكدا هتخسرى كتيييير

تعالى كده نتخيل يوم فى بيت العائله

هتصحى الصبح عادى جدا كل الناس بيعملو كده

الزوج هيتناول فطوره  ويروح شغله انتى بقى  خلصى كل حاجه وراكى بسرعه كده

وانزلى او اطلعى لحماتك وانتى اخر اناقه  وبعد السلامات والذى منه

قولى انا جيت افطر معاكى

وتناولى معاهم الفطار بهدوء كده واستمعى طبعا لنصائح ام الزوج فى عمايل الوجبات

وكمان لا تنسى ابدائك الاعجاب بطبق الفول الخطير وياريت تطلبى  مقاديره صدقينى ده بيكون له اثر ايجابى

على نفسيه ام الزوج

وبعد الفطار ومن سكات كده روحى اغسلى الطبقين واشربى الشاى  معاهم

هتلاقى حماتك طااااااااارت بيكى كانك اخترعتى الذره

وبعد نصف ساعه رغى كده استأذنى وانسحبى ولو كنتى رايحه السوق مرى عليها وقولى ليها مش عايزة حاجه

اجيبها لك وانا راجعه

يا سلام هتفرح اوووى

 بتحس انها محور اهتمام واهى طريقه لتطويل حاله السلام العائلى

لازم نراعى طريقه التفكير ونكون حساسين فى طريقه المعامله

انما بقى تتذمرى وتقولى دى لما قابلتنا او شافتنا اتضايقت كشرت

قالت  كذا او كذا مش هتلاقى نتيجه غير حرقه الاعصاب بالعربى كده ومن الاخر كبرى الجمجمه

وتحاولى تحتوى الجميع وتكسبيهم وتذكرى ان هيجى يوم وتكونى انتى مكانها وكل مدين مدان

نيجى بقى للحاله الثانيه

    

لو كنتى ساكنه فى منزل منفصل  ياااااااااه فضل ونعمه من عند ربنا

طبعا لازم فى المناسبات الرسميه تكلميها هاتفيا لاااااااااازم

وكل مده كده اتصلى اطمنى عليهم ويا سلام لو كلمتيها كل يوم

اكيد حاجه كويسه بس الحقيقه هتكون شويه متعبه ليه

كويس انك قولتى ليه اقولك يا ستى

اولا ممكن جدا تنسى فى يوم انك تكلميها ماهو انتى ذاكرتك مش دفتر وكمان مع زياده الالتزمات عليكى ممكن يمر يوم وما تنتبهى وكمان  ما هو الحوار المشترك اللى بينكم اللى هتتكلمو  فيه بانتظام 

وبعدين على كل الاحوال هيندرج تحت بند التبذير والرغى بدون داعى يبقى ايه كفى الله  المؤمنين شر القتال

وكمان ملحوظه لو حصل لا سمح الله وخرجتو معا لشراء شيىء حاولى انك ما تشترى حاجه لان ده هيتفسر

على انك مبذره حتى لو كنتى هتجيبى حاجه اساسيه بس اساسا هما كده بيحبو توجيه التعليمات وانتى اكيد هتضايقى فمنعا لكل ده خليكى عااااااااااااااادى جدا وبلاش عكننه على الفاضى

وياسلام لو وانتى معاها كده اعزميها على مشروب ولا عصير يااااااااااه حاجه جميله جدا فعلا حاجات بسيطه بس بتأثر بالايجاب فى العلاقه بين الطرفين

طبعا مش عايزه اقولك انك لو ساكنه فى نفس المحافظه لا داعى اطلاقا للبيات عند اهل الزوج اما لو كنتى من خارج المحافظه مفيش مانع بس لا تطولى البقاء

ثالثا بقى  تساؤل

مش عارفه الاقى منه نتيجه ليه الحموات مش بيحبو زوجه الابن ليه العداء ده

الغير مبرر

ده المفروض الزوجه ريحت الام من شخص كان المفروض عبء بمطالبه على الام فى سنها الكبير ده

ليه دايما الكلام من الام او زوجه الابن بيحمل معنانين ويتفسر على انه شيء سيء

ليه لو فرض مثلا وزرتى ام الزوج وكانت على علم بالزياره تلاقى امراض الدنيا فجأه جاءت لها

او ليه تقابلكم بفتور حتى لو كنتوا لشهور ما تقابلتم

ازاى نقضى على الحساسيه فى العلاقه بين الطرفين

لان كم من بيت اتهدد استقراره بسبب الحرب المعلنه والغير معلنه بين ام الزوج وزوجه الابن

بجد تساؤلات كتييره ياريت نلاقى لها اجابه

وان كنت اعتقد ان المعامله الحسنه ممكن جدا  تعمل على تحسين ونجاح العلاقه  حتى ولو على المدى البعيد

ثم من ناحيه اخرى هتلاقى النتيجه بركه وصحه فى بيتك واولادك يعنى الصبر على الابتلاءات المختلفه وسوء الطباع اكيييييييييييد لها ثوابها من الله عز وجل

وكما كنا نقول دائما من زرع حصد انتى ازرعى معامله حسنه هتحصدى حب حتى لو من  شخص كنتى تعتقدى انه اخر حد ممكن تلاقى منه  كده حد عنده اعتراض على الكلام ده

وياريت لو حد عنده مواقف جمعته بحماته يحكى ويقول اتصرف ازاى اهى كله للافاده

    

مارثون البط

مارثون البط طبعا عنوان جميل بس حقيقى فى ولايه فرجيينا الامريكيه بيقام مارثون لدمى البط  لصالح المؤسسات الخيريه
حيث يقوم المشاركين بشراء بطه  بلاستكيه ( مثل تلك الدمى الموجوده فى اكياس السبوع عندنا )
طبعا مرقمه  ويتم تجميعهم فى شبكه كبيره ويتم القائها فى اى مجرى مائى  بحيره صناعيه  مثلا فى احد الحدائق الكبرى وطبعا هناك نقطه نهايه للسباق وكل هذا يعتمد على سرعه الرياح واتجاه الهواءوحظ بحت ...
وطبعا التى تصل لنقطه النهايه  يتبرع صاحبها بالمبلغ  للمؤسسه الخيريه التى يريدها
سؤال :
لو  تخيلنا مجرد تخيل بس ان سوف يقام فى مصر هذا  السباق
اعتقد اننا لن نتأخر فى شراء دمى البط
لكن لن نشارك فى المشروع بل سيأخذ كل واحد دميته لولده
معللا ذلك ان ما يجرى هو شغل ناس فاضيه او رايقه زى ما بنقول وكمان مفيش مانع نحبط الناس اللى هتشارك وبتحاول تصمد لاخر السباق بالقول
لا تضيع وقتك اكيد معروف مين الفائز  اشمعنى دى اللى هيكون فيها مصداقيه يلا بلا لعب عيال
يحمدو ربنا اننا اشترينا  البطه بالمبلغ ده  دى تباع فى كل مكان بجنيه بس

الكنبه !!!

لفظ تداوله  الاعلام فى شهر رمضان الماضى  متهماً كل مرتادى النت بأنهم تابع حزب الكنبه !!!! مع الاعتذار للكنبه
السؤال اللى بيفرض نفسه  وبشده
ما المقصود من التشبيه ده ؟
اليس حزب الكنبه هم من فجروا الثوره وقامو بالتغيير فى مصر
ولا ده حزب وده حزب
ولا ده بيصنف تبعاً لنوع الكنبه ؟

القذافى ....... ولغز الرحيل

ورحل الزعيم ....... وطوت صفحة ملك ملوك افريقيا

أعلم ان ما سأكتبه لن  ينال استحسان الكثير وسيهاجمنى الكل وبشده

لكنى بشر ولست اتحكم فى مشاعر الحب والكره

الحقيقه لم اكن اعلم اننى احب الزعيم معمر القذافى بهذا الشكل

الا بعد وفاته

او بالاحرى قتله

رحل القذافى على أيدى الثوار وبغدر تاااااااااام

فعلو به مثلما كانو ينتقدونه به

 تم القبض ليه فى نخبئه واقتيد حياً ليعامل معامله سيئه جدا ويسحل ويهان ويسب علنا وهو مصاب

لم يعامل معاملة الاسير قط

ابسط قواعد ديننا الحنيف

هى أغاثة الملهوف او المصاب او الضعيف ايا كانت افعاله

الرسول الكريم عليه افضل الصلاة والسلام عندما فتح مكه كيف تعامل مع اليهود

الذين نكلو بالمسلمين واذاقوهم اشد انواع العذاب ماذا قال لهم

قال لهم بمنتهى السماحه اذهبو فانتم الطلقاء

  وبالقياس نرى ان الثوار لم يفعلو ذلك بل قتلوه ومثلو بجثته علناً

واخذو يلتقطون صورا لهم بجوار جثته وهى متعريه اى نصر هذا

اين الانسانيه والضمير الحى اين ؟ اين العدل الثورى

لماذا لم يترك حياً وينال جزاءه مثله مثل اى مجرم حرب

لماذا لم يترك حياً ويقاسى الامرين حزنا على حريته ومصيره المجهول خلف الاسوار انتظارا للقصاص

هل تعتقدو انه بقتلكم له اخذتم بالثـأر منه بالعكس انتم ارحتوه

من كثيير كان سيعانيه لان الموت لامثال القذافى ارحم من تقيد الحريه واذلال النفس

سؤال يلح على وبشده : ....
لماذا قامت الثوره الليبيه ؟ ما اسباب قيامها ؟
مثلا الثوره فى تونس قامت على خلفيه حرق البوعزيزى لنفسه احتجاجا على معاملة الشرطه مع المواطنيين
وفى مصر لم يختلف الوضع كثيرا فساد شرطه وبطاله وفقر
لكن ليبيا ما سبب قيام الثوره ؟ سؤال وجدت اجابته من صديقه لييبيه قادتها الصدفه لطريقى
قالت ان فى لبيبا من كام سنه كده تم قطع معونه كانت تصرف للارامل والايتام وتم التبرع بها لصالح دول افريقيه ...!

الحقيقه انا اعلم ان الشعب الليببى من اغنى الشعوب الافريقيه
نظرا لعددهم الغير كبير ولانها دوله نفطيه بالدرجه الاولى
لذا ما مبرر الثوره ودافعها الا مؤامره كما قال الزعيم الراحل
لتندلع فى لبيبا اعنف ثوره شهدها القرن اللهم الا اندلعت ثورة فى بلد اخرى وبالتالى سنرى كيف سيواجه الحاكم الثوار
 انا ارى ان المعارضه الليبيه عندما شعرت ببدء  بعض القلاقل فى لبيبا قامت بتشكيل مجلس انتقالى موازى بعد ان استقالت من مناصبها العامه
والتقط طرف الخيط كل طامع فى النفط الليبى ليبدأ بعد ذلك سلسله من المجازر بين الناتو والثوار ومؤيدى القذافى من جهه
بعتقد ان الزعيم الليبى يستحق كل التقدير ليس لانه كما يقولون ذبح اكثر من اربعين الف  فى الاشهر الماضيه
ولا لانه كما يزعمون ثروته تعادل 82 مليار اليسو هم من قالو ان مبارك ثروته 77 مليار وتراجعو فى تصريحاتهم واعلنو كذب تلك الاخبار
لماذا نصدقهم الان ؟؟؟
بعتقد ان القذافى يستحق كل الاحترام والتقدير لانه لم يهرب  رغم توافر امكانيه هربه لاكثر من مره
لكنه اثر القتال لاخر رمق
مات فارس  محارب
وانا الحقيقه التمس له العذر فى شىء
انا لو حاكم وشعبى يعيش عيشه راضيه ومستواه الاجتماعى ممتاز وقبائلهم مترابطه وليس بيينا اى فرقه   وتقوم ثوره ضدى
لابد ان افكر فى ان هناك مؤامره تحاك ضدى
ولابد ان اتحضر واجهز كل دفاعاتى
يحسب له انه مات كالفارس ولم يهرب
ويؤخذ عليه انه لم يرحم الشعب من احتلال الناتو
 لكنه الان بين يدى الله
ولا نملك له الا الدعاء بالرحمه
له ولكل مواتنا اجمعيين وسنشتاق كثيرا لاقوالك
الطريفه وازيائك الجميله المتميزه
ورحم الله شعب لبيبا وحفظ لبيبا الشقيقه من خطر الانقسام
بفعل اولادها او  على يد الناتو
قسمو السودان
واحتلو العراق
وسيقسمون ليبيا من اجل انشغال ابناءها فى التحكم فى امور البلاد
تاركين لهم الكنز الاسود
انتبهو ايها الليبين الخطر قادم
رحم الله البطل الزعيم
وحفظك الله يا لبيبا