العالم الموازى

ايمانا منى ان العالم الموازى  لا يقل اهمية وتأثيراً عن العالم 

الواقعى  ادعوكم ل مبادرة لا للدستور 

قمنا بها من قبل تضامنا مع الاسرى 

فالنقم بها من اجل مصر  انضموا 

مبادرة منى ومن مثقفى مصر ادعوكم يوم الثلاثاء الى تبيض صفحات 

الفيس بوك والبلوجر وذلك مشاركة منا  فى الاعتراض على صياغة

 الدستور ومواده  التى لاتؤمن لنا ولا للاجيال القادمة المستقبل

لا للدستور الذى يمنح للرئيس صلاحيات مطلقه ولا رقابة على 

تصرفاته

لا للدستور وضعه  ناس بلا خبرة وفقط لخدمة مصالحهم الشخصيه

ادعوكم لتلك المبادرة تزامنا مع  الصحفيين والقنوات الحزبيه 

فهل من مجيب؟

من اجل مصر ومستقبلها

لا للدستور

احب اتعجب اكره

اكره التعامل مع الموظفين فى المحاكم واكره تعامل المحامين مع  المواطنين

اكرة المستشار اللى بيستظرف وفاكر نفسه لسه مراهق لما يصدق يلاقى محامية وهات    يا تعليقات سخيفه زيه  زى يا سلام  يوم جميل نظرا لوجهك الصبوح او يوم جميل لانى شفت ابتسامتك ولا المحكمه النهارده شكلها مختلف يا ترى ليه ؟  

اكره العميل اللى مش بيدفع باقى اتعابه بعد صدور الحكم لصالحه طبعاً

اكره رائحة المكاتب فى المحكمه

اكرة التراب جداً فى اى مكان سواء فى الشارع او على الارفف او فوق الكتب 

اكره جارتنا لانها متقلبة المزاج  يوم تقابلنى بابتسامة لدرجة انى اقول لنفسى دى اكيد مريضه  ومرة تانيه ناقص تقذفنى بشنطتها لانها شافتنى الصبح 

اكره وكالة انباء العمارة جارتنا التى تسكن الطابع الرابع  لو قابلتها مرة  ما تسيبنى الا لما تعرفنى اخبار العمارة والعمارات المجاورة وهى تحكى وانا اشيل ذنوب

اتعجب جدا لما اعزم حماتى او اخت زوجى فى رمضان او اى يوم عادى وهما اللى يختارو نوع الاكل وكانهم فى مطعم مثلاً  رغم انى لو  لا سمح  الله اتعزمت عندهم ودى بتكون مرااااات نادرة كده زى العنقاء والخل الوفي بيرفعوا شعار الجوده من الموجود !

اكره انهم يطبوا علينا فى اى وقت ( اهل زوجى )  دون مراعاة لظروف او وقت   ممكن تلاقيهم الساعه واحده مساءا بيرنوا الجرس  عادى جداً وطبعا لازم   ياخدو واجبهم  حتى لو كنت فى سابع نومه دول ضيوف ولما تيجي تزور حد فيهم لازم تحجز قبلها اصل الاصول بتقول كده !

اكره اى حد يقول قال الله وقال الرسول مادام قال كده تاكد انه كذاب ومنافق ومش بعيد يكون  حرامى كمان

اكره ان الناس تصنفك  بناء على حوار او على ابداء رايك فى حدث معين

اكره النظرة الغير موضوعية للامور زى مثلا   تجاهل ذكر مبارك فى كتب التاريخ  وتجاهل  ناصر والسادات  والملك  فاروق لا اكتب انهم حكموا من الفترة كذا الى كذا واخطاءوا فى كذا وافسدوا فى كذا ، التجاهل مش هو الحل لا هو اللى هيرضي الشعب ولا هيطلع جيل فاهم  ابداً

اكرة الفاظ فلول نخبة  سلفيين ليبراليين اشتراكيين ثورة   علمانيين اخوان طبعا

لان كل واحد بيسمع نفسه فقط

اكرة تكفير الناس  واباحة دماءهم  واكره الحجر على الفكر وزرع الفتن  من تكون انت حتى تكفر هذا او تسب هذا لنا خالق هو اعلم بالقلوب وما فيها وهو الوحيد الذى يحاسبنا  انت بشر مثلك مثلنا وارد انك تخطىء  اكثر من انك تصيب

مش عارفه الحقيقه حقيقة هذا المعتقد الذكورى ان الاوقات الحميمه بتكون بعد اى جنازة او مصيبة او كارثه مختلفة او انسب وقت ليها !!!!!!!!! طيب ازاى  مش فى نفسيات مدمرة  يعنى بعد مشاهد البكاء   والحزن   ممكن يحصل كده اشك 

اكره اووى المنظرة والمزايده بالكلام وادعاء الوطنية 

اكره اووى المتاجره بالشهداء   تحت اى مسمى واتعجب من هؤلاء القوم هل انتزعت من قلوبهم الرحمه 

الاهالى قلوبهم مفطورة من فقدان اولادهم ودول بيتاجروا بالقضية

اكره اللص الادبى سارق النص الادبى واللى بينسبه لنفسه عادى جدا حتى لو كانت اسطورة مثلا مش مبرر انى انقلها كربونه

اتعجب من زوجى عندما اجده  يستمع الى اغانى  صاخبه شعبية راقصه فى اوقات الازمات مثلا ايام الثورة والبلد بتتحرق ايام  حادثة الاتوبيس فى اسيوط وصور الاهالى وهما بيبحثوا عن اشلاء اولادهم من على القضبان  حاجه توجع القلب وهو بيسمع اغانى راقصه ولا انا اللى اوفر؟

اتعجب من الناموس بعد ما اتفنن فى اصطياده بالمضرب واروح انام وانا سعيده انى  قضيت عليه الاقى واحده سايبه الغرفه كلها وجاية تزن جنب ودانى بتغيظنى اووى وكانها بتطلع لى لسانهاوتقولى انا  اهو  بس هى الناموسه عندها لسان ؟

اتعجب جدا لما الموبايل يرن واكون فى عز الشغل ومش قادرة ارد ولما افضى اتصل باللى كان بيكلمنى الاقيه زعلان منى اصلى بنفض له ؟ من وجهة نظرة او بتعالى من وجهة نظره

اكره اى حد على النت بيتعامل مع البنت او الست على انها شىء مباح  ممكن تقبل منه اى حاجه بامارة ايه بس 

اكره اللى فاكر ان الليبراليه انفتاااااااااااااح  بالمعنى السىء

اتعجب جدا لما الاقى صديق لسه قابله طلب صداقته والاقى منه رساله ممكن رقم تليفونك  ؟ برىء اووى الراجل ده  متفهموش غلط 

ده واحد فالانتينو    طبعا بيكون مصيرة البلوك على طول

اكره الغيره الغير مبررة بين البنات وبين الزوجه واخت الزوج وزوجة الاخ 

اكره الفراغ القاتل اللى بيخلى الناس تجيب سيرة بعض وتروج شائعات

اكره الغمز واللمز على  بعض الكتاب لانهم بيتشاركو الندوات مع اشخاص بعينها

كرهت بالفعل اى حد بذقن او اى شيخ

اتعجب جدا من امى عندما يكون عندى ندوة او صالون ثقافى رغم انى مقله جدا   نظرا لظروف كتيير والاقى امى تؤنبنى قائلة والمدرسة والشغل والعيال لازم اروح شايله الهم

احب اسمع فيروزو  اموت فى صوتها واحلق معاه فوق السحاب

احب اغنية الكبير كبيير  عمرو مصطفى ووائل جسار

احب دكتور نبيل فاروق

كل ما اقابله اتعلم منه حاجه جديده وادرك انه موسوعة علميه ماشيه على قدمين

احب اللعب مع شمس ومرام بنت اخويا ومزاج عندى انى اغلس عليهم علشان اشوف رد فعلهم بيكون تحفه بجد

اهداء خاص للاخت مرام صاحبة كلمة حدوفه

احب المحشى من ايد امى بس

احب خالتى اعتبرها صديقتى انتيمتى رغم انها اكبر من امى سنا لكنها اكثر سعة صدرا منها

كاتمة اسرارى

احب اشوف شمس وهو بيذاكر تطور والله ماسك القلم بصوابعه الصغيره وفارش الكتب كلها علشان هيكتب واجب العربى

ومغطس راسه جوه الكراسه وبيكتب بتركيز  وفى الاخر  يقول لى انا زهقت كل ده هكتبة واكتشف انه كتب كلمتين بس

احب اتكلم مع اخويا الصغير هو مش صغير اووى بس بالنسبه لى صغير صديقي المقرب واثق فى ارائه

احب الشاى والنسكافيه

احب الضحك والناس الرايقه انما المضايقه لالاماليش فى دول على راي  عدوية

احب اقرأ كل حاجه تقع تحت ايدى حتى لو كنت قراتها من قبل

احب اقطع المقالات من الجرايد والمجلات واخليها فى شنطتى وفى اى مكان اطلعهم واقراهم حتى لو مر سنيييين وهما متشالين فى المحفظة فى الشنطه

احب الشتاء ورائحة  المطر

احب الاسماعيليه ونادى المعادى  اعشق المكانين دول جدااااااااا

احب ابطال رواياتى واتخيلهم ناس من دم ولحم

واتمنى وجودهم بينا

احب ايام الامتحانات بتكون   مشحونه لاخر ثانية  شغل

احب اصدقاء البيرف سيادة المستشار وسراج واحمد انور وهبه وايهاب ونيمو وريهام وسميره  وجيجى  ونونا والمرشدى

احب اصدقاء الفيس والبلوجر

 واحترم اصدقاء الشغل لان ليس لى  خيار فى اختيارهم فرضهم الواقع عليا وكذلك جيرانى

احب  اشوف القطة ميشو وشمس مطلع روحها طول النهار وهى عايزة تنام وبعدين  هى تطلع روحنا بليل لما ننام

احب رواية الحرب والسلام واحب مسلسل الحب والخوف ورسائل الحب والحرب

احب  ادهم صبرى واعشق مبادئة اللى اتربينا عليها  واللى بحاول اخلى نور ابنى يتعلق بيها علشان دى ساعدت كتييير فى تكوين شخصيتى

احب ممارسة الرياضة اعشق رياضة التايكندو ليها معايا ذكرياااااااااات جميله اووى

احب ابى وامى وعائلتى الصغيره وعائلتى الكبيره قراء كتاباتى

احب المدينة المنورة ومكه  المكرمة ودولة الامارات 

احب  ارد على التليفون ويكون المتصل اصحاب نور واغلس عليهم واقول هو ضرورى تكلموه مش كان معاكم فى المدرسة انا لو منكم  اتبرأ منه

 وبعدين مش كلمتوه امبارح  واحب اسمع ارتباكهم ورد فعلهم  اللى بيكون يا ضحك يا  سكوت

احب اقرا لانيس منصور والادب العالمى المترجم كله ومسرحيات شكسبير حتى لو قراتهم قبل كده مليووووووووون مره

احب الافلام الاجنبى واكره المسلسلات العربى  والافلام العربى لانها كلها تجارية ونفس الحوار ومن اول ربع ساعه تتوقع النهايه

احب باقة mbc كلها ودبى وان

واحب الممثل كريستيان بال فى فيلم  الاكليكى بام تحفه بجد الفيلم ده لو اتعاد مليون مرة لا اذهق منه واصر ان اولادى يشوفوه  زيه زى الافلام  التى تجسد قصص الادب العالمى مثل كونت دى مونت كريستو او هاملت  او ديفيد كوبرفيلد او توم سوير او توم كروز او كنوز الملك سليمان 

او اى حاجه زيهم

امل زيادة

موقف هام وخطير

لقيت صديق حاطط صورة شيخ سلفى  ناشر صورة للبابا شنودة وكاتب تحتها   باستهزاء

انا عايز اتنين كيلو زيت دخلت اشوف ايه ده لقيته كاتب ان فى احد النصارى لدية صورة للبابا فى شقته يخرج منها زيت وانهم يعتبروا هذا معجزة

دخلت قلت له  دع الخلق للخالق   

رد وقال  طيب ماتقولى لهم هما

روحى شوفى منتدياتهم  بيكتبوا فيها ايه ؟

الحقيقه انا مارديت عليه لانه واضح سلفاً نوعية تفكيرة وشخصيتة 

 احب اقول له ولمن هم على شاكلته    انت مالك بيكتبوا ايه  كل واحد حر فى معتقده

ربنا بس هو اللى بيحاسب البشر انت مش ملاك  ولو يعنى غيران اووى على الدين كده  كنت فين لما حصلت الاساءة على الرسول الكريم 

كان ايه موقفك  ياريت تستغل التكنولجيا  وثورة المعلومات ووفر الوقت اللى بتسخر  فيه من شركاء الوطن واعمل حاجه مفيده ادخل على المنتديات والمواقع الاجنبية وكن سفيراً لدينك انشر حديث قصة  موقف للرسول الكريم او الصحابة 

بدل ما تهدر وقتك فى تكفير هذا والسخرية من ذاك

 ولا حضرتك بس وصى على شركاء الوطن ولا هما بس اللى محتاجين هداية ؟

لمعلومات حضرتك

الناس اللى فاكرة اننا نزلنا الميدان علشان نسقط الرئيس  ومن قبلها كنا بنادى برحيل العسكر   لحظة من فضلكم

احنا لينا تحفظات على الاعلان الدستورىوقرارات الرئيس  ومش نازلين بغرض الحشد واستعراض القوى او بدافع الفراغ او الانتقام او الندم على الاختيار وان كنا بدءنا نشعر بالندم على اختياركم

 المهم احنا نزلنا علشان اولادى واولادك علشان بكرة علشان مصر علشان الاجيال اللى جاية تعيش فى رغد وتتحقق لها الكرامة الانسانيه 

احنا نزلنا لاسقاط التأسيسة  ....... نعم لاسقاط التأسيسة

نعم لدستور مصري نزية معبرا عن الهوية المصرية اللى هى ملك لكل المصريين ومش لحزب او فصيل سياسى 

علشان كده بس احنا نزلنا تفتكروا اخطأنا ؟

على الماشى

ملحوظة كده

حرم الرئيس قامت بالتعزيه فى اسلام فى دمنهور

طيب وجيكا وشهداء اسيوط   مش دول ولاد البلد ومصريين بردو

ياريتك ما زرتى حد  واتصلتى بس  بالتليفون 

بس بالكل مش حد وحد

على العموم انتم بتصرفكم هذا تعزووا الانقسام والفرقه بين الصفوف فى مصر وبتأكدو كل ما يقال عن الجماعة وعنكم 

وكل يوم رصيدكم بيقل وكتيير كمان ياخسارة جتلكم فرصة ولم تحسنوا استعمالها 

ميعادنا صندوق الانتخاب ده لو  كملتوا الفترة الرئاسيه لا سمح الله 

مستنى ايه؟

مستنى ايه يا ريس  ...... لازم يسقط كام جيكا وكام اسلام علشان تتحرك

لا تصدق استفاءات النت  ولا اخبار قنواتك  مش ممكن كل القنوات الفضائية  عميلة

 الميادين والشوارع بتقول غير كده

 خرج الناس من غير توجه من غير اتوبيسات ما توصلهم للميدان من غير وعود بمناصب او مقابل اموال !

خرجو من غير زيت وسكر

 اشم فى الهواء اجواء يناير  الحق تفسك قبل ما يفوت الاوان !

 عيش حرية اسقاط التأسيسة

لا تكرر اخطاء المخلوع وان كنت شايفه ان نفس السيناريو بيتكرر

الله يهديك للصواب والخير للبلد مش  لحد تانى 

!!!!!!!

اخر كلام ( 26 /11)

يا ريس الحق احفظ ماء وجهك واحقن دماء المصريين وخد قرارت حازمة مرضية للشعب حل التأسيسة ، خلى اللى يكتب الدستور فقهاء القانون مش ناس مالها علاقه بالقانون / خد خطوة جريئة وابعت مندوبينك للتعزية فى الولدين كلم اولياء امورهم خلى عندك سعة صدر وافق / قيل قنديل غيرة بحد تانى يكون دى شغلته انقذ البلد اعمل اى حاجه ........ اى حاجه تمنع اللى ممكن يحصل ومتقوليش هحاكم الزند والبرادعى وحمدين لا مش وقته خالص بص لقدام امال مستشارينك بيعملو ايه بس ؟

*************************

ياريت كل واحد نازل بكرة يعرف انه نازل علشان مصر مش علشان نتخانق مع بعض ولا ناخد تار ده ولا ده الاتنين ولادنا وضحية سوء ادارة نظام وحكومه يبقى نتحد ونوحد مطالبنا احنا بكرة مش نازلين نعملها حرب اهلية وانقسام احنا نازلين نطالب بتحقيق مطالب الثورة اللى اتنست

*******************   

استغربت جداً لما شفت منظر الجنازتين فى الفضائيات وقلت بينى وبين نفسى معقولة ده فى مصر مش فى فلسطين ؟ يعنى الاتنين ماتوا فى مصر وبأيادى مصرية طب ازاى ؟ وليه ومين المستفيد معقولة وصلنا للدرجة دى ان الحداد اصبح زينا وهو اللى بيجمعنا غير كده لا متفرقين الله يستر ع

  

     لى اللى جاى .

***********************  

يا ترى يا ريس شفت التليفزيون والجنازتين ولا هنتفاجىء بيك معزول عن الشعب زى اللى قبلك دم الاتنين فى رقبتك ياريس هتتحرك امتى بقا هتطلع بقرارت ترضى الشعب وتهدية امتى ؟ هتاخد قرار يثلج القلوب ويمنع الانقسام اللى فى الشارع امتى ؟ احنا مع اقالة النائب العام ده مطلب جماهيرى وشعبى بس ضد انك تعين واحد يأمنك طول فترة حكمك ؟

دستور لكل الاجيال

كتبت هذه السطور منذ  فترة وان كنت تكاسلت فى كتابتها على الجهاز لعدة ايام لكن ايماناً منى  بأننا كأدباء لابد ان يكون لنا دور فى 

التوعية  فى بعض الامور وشعور بمسؤلية تجاة الوطن 

 انتهز  انطلاق حملة التدوين لكتابة موضوع عن الدستور

وبلاش ارجوكم اى مزايدات  من اى نوع ( كلنا مصريين وعايشين تحت سماء واحده وبنشرب من نيل واحد وبنأكل من نبت نفس الارض )

محدش يقولى اصلكم بتعارضو لمجرد المعارضه ولا لانكم علمانيين ليبراليين كما يقول المتأسلمون واتبعاهم

ليس لى صالح  ولا انتظر منصب ولا احد وعدنى بمكافأة  مثلاً

اكتب هذه السطور بعد ان  قرأت مسودة الدستور وبعد حضور عدة ندوات وورش عمل مع ساسة كبار  استقطعو من وقتهم  ولم يبخلو بجهدهم  علينا ولا على غيرنا وليس لهم غرض الا فقط توعية الشعب 

الذى سيقول كلمتة بنعم او لا على الدستور مع حلول  شهر ديسمبر

الغريب والمدهش ان اغلب   المشاركين فى كتابة الدستور من اعضاء التأسيسة انسحبوا منها  اعتراضاً على كتابته بهذا الشكل واعتراضاً على بعض المواد

واعلن القضاء رفضه للمواد الخاصه به وايضاً الاطباء والقوات المسلحه  والقوى المدنيه 

حتى السلفيين  اعلنو رفضهم للمسودة !

للوهله الاولى بعد قراءة المواد  تشعر بالاطمئنان وان مواده شامله وجامعه

لكن بالتدقيق تجد ان الكلام مرسل لا يحدد اى شىء انشاء ، مسكنات مؤقته او مثل السم  فى العسل لن تشعر بأضرارة الا لو احتكمت الى نصوصه تجدها غير منصفه لانها لم تحدد شىء بعينه

هناك مواد  بأكملها يجوز تفسيرها بأكثر من معنى لانها بالفعل تحمل اكثر من معنى

 ده طبعا غير صناعة الفرعون من خلال السلطة المطلقه دى 

مادة ( 148

لرئیس الجمهوریة أن یدعو الناخبین للاستفتاء فى المسائل المهمة التى تتصل بمصالح الدولة

العلیا .

ونتیجة الاستفتاء ملزمة لجمیع سلطات الدولة وللكافة فى كل الأحوال .

( مادة ( 149

یعین رئیس الجمهوریة الموظفین العسكریین ویعزلهم ، ویعین الممثلین السیاسیین للدولة ،

ویعتمد الممثلین السیاسیین للدول والهیئات الأجنبیة ، على الوجه الذى ینظمه القانون .

( مادة ( 150

یعلن رئیس الجمهوریة ، بعد موافقة مجلس الحكومة ، حالة الطوارئ على الوجه الذى ینظمه

القانون .

ویجب عرض هذا الإعلان على مجلس النواب خلال الأیام السبعة التالیة، لیقرر ما ی ا ره

بشأنه بأغلبیة عدد أعضاء المجلس؛ فإذا حدث الإعلان فى غیر دور الانعقاد وجبت دعوة

المجلس للانعقاد فو ا رً للعرض علیه وذلك بم ا رعاة المیعاد المنصوص علیه فى الفقرة السابقة، فإذا

كان المجلس منحلا عرض الأمر على مجلس الشیوخ ، وتجب موافقة أغلبیة عدد أعضائه على

إعلان حالة الطوارئ .

وفى جمیع الأحوال یكون إعلان حالة الطوارئ لمدة محددة لا تجاوز ستة أشهر، ولا یجوز

مدها إلا لمدة لا تزید على ستة أشهر أخرى وبعد موافقة الشعب فى استفتاء عام .

( مادة ( 151

لرئیس الجمهوریة العفو عن العقوبة أو تخفیفها.

ولا یكون العفو الشامل إلا بقانون .

( مادة ( 152

رئیس الجمهوریة هو القائد الأعلى للقوات المسلحة ، ویعلن الحرب بعد أخذ أ رى مجلس

الدفاع الوطنى وموافقة مجلس النواب.

ویحظر على رئیس الجمهوریة إرسال قوات مسلحة إلى خارج الدولة إلا بعد موافقة أغلبیة

أعضاء مجلس النواب .

وكمان هناك مواد الخاصة بالمرآة والاطفال وسن العماله للاطفال 

وكان فى ماده اعتقد الماده 33 كانت تنص على تكريم اى شخصية مدنية وكنت بتساءل ايه  هى معايير اختيار الشخصية المدنية بس الحمد لله  اتلغت 

ومحدش يقولى اصل السلطات كانت قى دستور 71 المفروض احنا بنأمن مستقبل البلاد  وبنحط الدستور علشان ولادنا والاجيال الجديده وبنحاول نتغير خاصة بعد الثورة

يعنى  عايزين دستور يحفظ الشخصية المدنية  المصريه الوسطية

وكمان يكون فيه مواطنة بمعناها المعروف مش المطلق

لذا  اظن انى اؤيد القوى المدنية فى انسحابها من الجمعية التأسيسه وياريت  يختاروا نخبة تكون هى  الممثله لكل الطوائف 

ويكون منهم كل الفئات والاعمار والعلماء

والمغتربين  علشان يكون شامل بجد

امل  زياده

سليمان خاطر

سليمان خاطر ( أبو حذيفة المصرى ).wmv » Duration :02:07 ! Videos

نقاش لولبى حلزونى عن الكهف

نقاش حول الكهف 

قرأت كتاب الكهف للصديقة امل زياده ...
وهنا أقول رأيى ككقارئ عاشق للخيال العلمى ؛
العمل جميل ومتماسك ، يتميز بسرعة إيقاعه ، وهذا يبعد عن القارئ عن الملل ، منذ منتصف القصة وهى لا تتوقف عن مفاجأة القارئ ، لكن بخصوص النهاية هناك نقطة لفتتنى ، الصلة التى اتضحت بين الفتاة وشتان فى نهاية القصة كان يجب أن تضعى لها تلميحات ف بداية القصة ، وهذا لأنها أربكتنى شخصيا ..
ربما لم أستوعب أنا هذا 

المفاجأة الأخيرة فكان قصور منى فى تذوق القصة ..ربما ..
لكن العمل ككل جيد ومبشر كأول عمل ..مع تمنياتى بالإستمرارية والنجاح ..Mostafa Safe اتفق تماما معك يا ياسين في كل ما ذكرت
8 مايو في 01:28 صباحاً · أعجبني · 1
امل زياده علشان تفهمها وتقدر تستوعب الفكرة اقرأها مرة تانيه بتركيز هتلاقى اجابة سؤالك
8 مايو في 07:27 صباحاً · أعجبني · 1
امل زياده واسم العالم هتان
8 مايو في 07:27 صباحاً · أعجبني
امل زياده صباح الخيرات يا اساتذه الحقيقه النقطه دى بالذات هى محور القصه فكان لابد تكون غامضه وبالنسبه للتلميح كان موجود من اول القصه لما راها امير وقارن بين الشبه بينهم وفى منتصف القصه هى افتكرت وعرفت انها حبيبته لكن من اول القصه وامير فى صراع وهتان لما شافها لام امير كل دى كانت تمهيد للمفاجأه
8 مايو في 07:48 صباحاً · أعجبني · 1
Mohamed Farouk لو سمحتم ما تحرقوش القصة عليا :))
8 مايو في 07:51 صباحاً · أعجبني · 1
امل زياده يا استاذ فاروق هديك نصيحه اقراها بتركيز ونحى المنطق جانباً صباح الخير
8 مايو في 07:53 صباحاً · أعجبني
Mohamed Farouk صباح الفل يا أستاذة...و من قال أن للمنطق وجود حينما نقرأ خيالا علميا ؟ :))))
8 مايو في 07:55 صباحاً · إلغاء إعجابي · 1
Mohamed Farouk بالمناسبة يا أستاذة اخبريني متى ستكونين في المكتبة قريبا ، اود ان اهديك نسخة من المجموعة تقرأينها على الأقل قبل حفلتنا
8 مايو في 07:56 صباحاً · أعجبني
امل زياده كانت اغلب النقاشات حول القصه من زميلين بالتحديد على منطقية القصه يعنى حسيتهم بيفترضو فيها المنطقيه رغم انها ابعد ماتكون عن المنطق
8 مايو في 07:57 صباحاً · أعجبني
Mohamed Farouk لو متضاايقة من ياسين قوليلي و انا أظبطه :)))))
8 مايو في 08:00 صباحاً · أعجبني
امل زياده لا والله مش قصدى ياسين ياسين ده اخى الكلام كنت بقصد به الدكتور مصطفى سيف والاستاذ محمد الشاذلى الوحيدين اللى حسيت انهم بيناقشونى فى القصه بمنطقيه بس هى دى كل القصه
8 مايو في 08:08 صباحاً · أعجبني · 1
Mohamed Farouk برضوا لو ليكي أي غرض من ياسين قوليلي ، احنا نحب نخدم يعني :)))))))))
8 مايو في 09:34 صباحاً · أعجبني
Mostafa Safe طيب برضه نكرر تاني لو متضايقة من مصطفى سيف قوليلي و انا اظبطهولك :) انا قلتلك رايي يا امل القصة جميلة فعلا بس هي النقطة دي زي ما قال ياسين كده جت مفاجأة و مربكة الى حد بعيد
8 مايو في 11:41 صباحاً · إلغاء إعجابي · 1
Lalla Fatiha Elidrissi مناقشاتكم بتزيدني تشويق لقراءة الكتاب ^_^
8 مايو في 09:22 مساءً · إلغاء إعجابي · 1
امل زياده فاتحه وحشانى والله والله مشتااقين اتمنى الكتاب يعجبك
8 مايو في 09:27 مساءً · أعجبني · 1
امل زياده يا دكتور مصطفى انا من رابع المستحيلات انى ازعل منكم انتم اخوه وشركاء نجاح وحلم الكتابه صعب انى ازعل منكم وعارفه ان مناقشتكم بهدف انى اقدم الاجمل
8 مايو في 09:28 مساءً · أعجبني
ياسين أحمد سعيد امل زياده فعلاً أعترف إنى قريت العمل بسرعة ، وجميل إتضاح انو النقطة الوحيدة اللى تعسرت ف قبولها ف العمل اتضح انها ف سياق العمل وانا الذى لم انتبه ..
ــــــــــــــــــــــــــــــــــــــــــــــــــــــ
أستاذى العزيز Mohamed Farouk بتحسسنى انى اريال تليفزيون من كتر استعمالك لاسمى مع الفعل ( أضبطه )
ههههههههههه
ههههههههههههههههههههه
على كل حال مقبولة من حضرتك ، كفاية اتذكر رابطة الكتاب النفساويين اللى بتجمعنا ..
^__^
8 مايو في 09:40 مساءً · إلغاء إعجابي · 1
Mohamed Farouk واضح ان الرابطة ليها تأثير عليا لدرجة اني بقيت شبح بالنسبة ليها :)))
8 مايو في 11:28 مساءً · أعجبني · 1
محمد صلاح زكريا أتمنى قراءة هذا العمل فى أقرب فرصة لكثرة ما سمعت ن تميزه و اعتقد انه بالفعل كذلك
9 مايو في 12:23 صباحاً · إلغاء إعجابي · 2
امل زياده محمد صلاح زكريا اشكرك على ثقتك الغاليه بالكتاب وقلمى وان شاء الله يكون الكتاب معك فى اقرب فرصه ده شىء يسعدنى
11 مايو في 05:12 صباحاً · أعجبني · 1
أعجبني · ·

قالو عن الكهف

شهاده اعتز بها جداً جداً من كاتبنا الكبير والمؤرخ العسكرى الاستاذ احمد على عطيه
أحمد عطية الله موهوبة دائما أستاذة أمل
الحمد لله نظرتى فى محلها
مزيد من التألق والنجاح 
فى إنتظار باكورة أعملك الأدبية المنشورة على أحر من الجمر

قالوعن الكهف ....

الكتاب العاشر _______________ الكهف بقلم أ / أمل زياده _______________________ ألف مبروك على صدور كتابك الأول .. عقبال المزيد من الأعمال الناجحة عنوان الكتاب و تصميم غلافه يدعو للغموض و يوحي بالأسرار و هذا يؤدى الى الر

غبة في فك هذا الغموض و معرفة فحواهلدينا رحلتان الكهف & الصيد الثمين هيا معا نتقدم نحو الكهف لنعلم ما يخفي لنا .. او بالأصح ما تخفي لنا الأستاذة أمل ( الكهف ) .. بداية القصة تحمل حماسا و ترقبا .. لدينا رحلة نحو المجهول نخوضها مع غادة التي يبدو عليها الاندفاع و التهورالغموض و الرهبة تلف المكان .. ثم يظهر ذلك الشاب الغامض هو الآخر و يحثها على العودة .. الأكثر غرابة هو إحساسها بالمكان السياق ممتاز يا أمل تهاني أنا الأخرى ارتجف ترقبا لما يخفيه ذاك المكان و الى أين ستصل تلك المجنونة .. أسلوبك في الصياغة سهل و سلس و يقرب المشاهد من عقل و عين القارئ ابسط شيء يحدث لها هو ان تفقد الوعي .. إذا كنت أنا توقفت أنفاسي و أنا هنا و سمعتصوت الحفيف يقترب مني فما بالنا بها هههههههه لدى ملاحظة أرجو ان تتقبليها مني بصدر رحب عدم تكرار لفظ قال او قالت .. بما انك اوضحتي أركان المشهد و علم القارئ بماهية المتحدثين فيه اكتفي فقط بوضع علامة عند بدأ كل عبارة جديدة و اتركي للقارئ متعة مشاركتك و معرفه ماهية المتحدث من عبارته إلا إذا كنتِ تضعين وصفا للمتحدث كمثال " نظرت إليه بدهشة قائلة : " أو "هزت رأسها قائلة : " و هكذا لكن إذا كانت العبارة لا يسبقها وصف اذكريها فحسب بدون قال فلان أو لفلان .. فهكذا يكون المشهد أخف سأذكر مثال من القصة لأقرب لك وجهة نظريفي صفحة (12) قالت صديقتها و هي تميل عليها : و من يدلك على موضوع خطير ؟ قالت لها بسرعة : سأقبل رأسه .. أغيثيني قالت صديقتها : القبلة أولا .. قالت غادة : الموضوع أولا .. قالت هدى : تعلمين طبعا جبل الفيوم .. قالت غادة : أكيد ..قالت هدي : هذا الجبل تدور حوله بعض الأساطير .........لاحظي تكرار قالت دون الحاجة إليها طالما لا يوجد معها وصف لحالة المتحدث سيكون المشهد اخف هكذا :- قالت صديقتها و هي تميل عليها : و من يدلك على موضوع خطير ؟ فردت غادة بسرعة : سأقبل رأسه .. أغيثيني - القبلة أولا .. - الموضوع أولا .. - تعلمين طبعا جبل الفيوم .. - أكيد ..- هذا الجبل تدور حوله بعض الأساطير .........فالقارئ يعلم الآن ان هدي و غادة من تتحدثان و سيفهم شخصية المتحدث من عبارته دون الإشارة إليه اعذريني لو كنت أزعجتك بملاحظتي و لكن هذا من حرصي ان يخرج المشهد في أحسن صورة لان موهبتك ممتازة و تستحق ان تظهر قوية تتضح الرؤية شيئا فشيئا بتصاعد جميل .. أحسنتي لا أظن أنها تتخلي عن فضولها بسهولة و تترك الأمر تلك الحمقاء تعرض حياتها للخطر دون ان تدري وصفك للمشاهد ممتع جدا لقد رأيت المعركة تحدث أمامي كمشهد داخل فيلم اكشن ممزوج بالخيال العلمي توالي كشف الحقائق حتى نصل للمفاجأة في النهاية .. فاجأتِ الأبطال أنفسهم قبل القراء .. لن أذكر شيئا و من يريد ان يعرف ما حدث داخل الكهف يقرأ الكتاب شكرا على تلك المغامرة الممتعة التي خضتها معك .. خيال علمي مزج بالرومانسية فخرج العمل جميل ( الصيد الثمين ) .. تحمل القصة إسقاط كبير .. أشارك الرائد وليد عدم ارتياحه لطريقة تكليفه بالقضية كما لم ارتح لذلك المجدي بابتسامته الخبيثة للأسف ما حدث مع سلمي يحدث بالواقع و لا يمت للخيال بصلة .. هناك من ماتت ضمائرهم و استغلوا سلطاتهم خيوط اللعبة كلها في يد مجدي جميل يا أمل تتصاعد الأحداث بطريقة مدهشة و مثيره للفضول و الذي يزيدها جمال لغتك المتقنة و سلاسة التعبير .. على فكره أنا اقرأ أثناء الكتابة اى أنني ألاحق أنفاسي الآن استعدادا للعودة لأكمل تحريات الرائد وليد كما أتمني ان يكشف أمر مجدي و يحل محلها كم أكرهه هروب أدي الى تعقيد أكبر و لزيادة شراسة مجدي الذي بدأ يشك بالجميع و خاصة وليد فكرت بكل الاحتمالات لسبب تصرف مجدي معها هكذا لكن لم أصل لشيء أحببت محاولات سلمي الدائمة لتغيير الموضوع لكن لم يفتني حين بدأت تناديه وليد بدلا من سيدي .. كانت لفتة جميلة و في مكانها المناسب تماما .. أحسنتي ما حدث بعد ذلك كاد يوقف أنفاسي من فرط التوتر و الترقب أحييكِ على جمال المشاهد و دقة رسمها بحرفية عالية و إتقان ممتع و مثير .. القصة جميله جدا و تصلح ان تكون فيلما .. عساها تحسن من حال بعض الأفلام المنتشرة حاليا الكهف & الصيد الثمين .. اتفقتا في الرومانسية العذبة الراقية التي تسمو بالوجدان دون إثارة فارغة .. ثم تميزت الكهف بالاكشن و الخيال العلمي اما الصيد الثمين فكانت قصة إنسانية غاية في الرقة رغم أحداثها العنيفة في بعض المشاهد لاحظت ان أسلوبك في الصياغة أصبح أكثر قوة و تمكنا في قصة الصيد الثمين عن الكهف .. كلتا القصتان مميزة لكن أتكلم هنا عن الصياغة و أسلوب التعبير أشكرك جزيل الشكر لقد استمتعت بالكتاب أتمني لك المزيد و المزيد من الأعمال المتميزة دمتِ بكل 

الخير أختك / حًسن الخلق

ايمن عامر / ليس كل من يكتب فهو كاتب ولكنه ابداع يمنحه الله لبعض الناس القله وليس كل روايه نقرأها تبقى عظيمه ولكن الامل فى الكتابه والابداع فى الاسلوب والبراعه فى التاليف والسهوووووووووله فى الحوار والوصول الى الاقناع والى عقول القارئ والتاثير عليهم بالكلمات والحوار الشيق قد منحها الله للكاتبه الجميله الاستاذه...... امل زياده فهى مبدعه وتعرف الطريق للوصول لعقول القراء وسهوله اقناعهم بحوارها فى روايه (الكهف) الشيقه والتى تجمع بين الغموض والرومانسيه والمفاجأه لمن يقرأ والروايه الاخرى التى اعجبتنى شخصيا وهى روايه (الصيد الثمين) التى تعتبر رومانسيه جداااا وفى النهايه اقول الف مليووووووووووووون مبروووووك للكاتبه امل زياده على ابداعها واتمنى لها التوفيق باذن الله تعالى

***************الكاتب الشاب رامى يوسف صاحب كتاب / وهكذا شاءت الاقدار حينما تعود فى وقت متاخر ويكون النوم يداعب جفونك ، ويكون لديك فى الصباح الباكر حفل توقيع كتابك ، وتمسك روايه لتقرا منها بضع صفحات قبل ان تنام ، وحين تفاجأ ان النوم قد ذهب ، وانك انهمكت فى القراءه ، وجرفتك الاحداث ، ولم تتركها الا حين انهيتها ، فانتبه من فضلك انت لا تقرا اى قصه ، انت تقرأ رواية الكهف ، للاديبه الواعده امل زياده ، كل سنه وانتى طيبه يا أ. امل وبالتوفيق دائما :)********************الكاتبه المخضرمه / نيفين كمال صاحبة كتاب خربشاتودخلت أغوار الكهف تتقطع أنفاسى من متابعة الأحداث الشيقه ومازلت هنالك أعدو خلفها مع ( أمل زياده ) _^*****************الدكتوره اسماء عمر صاحبة روايه / اقداح الكريستال r2 فبرايرالكهف..خلصتها يا سيادة الكاتبة "الطفلة البريئة" ..كتابتك مليئة بروح البراءة الطفولية و الرومانسية الحالمة و النهايات السعيدة^_^و بجد شفت في قدرات خفية متمكنة من الحديث للصغار و الكبار..يعني كتابك حتى الصغار يقدرو يستمتعو بيه و يقولو إنه جميل جدا***********************العزيزه مارو يوسف قارئه مش عاديه / Maro Youssefمنذ حوالي ساعةالجميلة الرائعه امل زياده لسه منتهية من قراءة الكهف و حقيقي منبهره جدا استطعتى ببراعه شديده ان تاخذنى من العالم الى عالم اخر مختلف تماما به الكثير من الاحداث المثيرة و المفاجات الممتعه حتى اننى لم استطع ان اترك الكتاب دون انهييه . كانت لامار رائعه و كان امير شخصية من خيال كل امراه يجمع بين القوة الجبارة لحمايتها و العواطف الجياشه ليحبها فمزجت بحرفيه شديده جدا بين واقع نعيش جزء منه و بين خيال علمى خلاق . ربنا يوفقك و من نجاح لنجاح يا رب .إلغاء إعجابي********************ماما زيزى / مدونه لها ثقلها المبدعة أمل زيادة الكهف كتابها يحوي قصتين : 

1- الكهف وهي قصة من الخيال العلمي وهي تتناول حياة الصحفية غادة التي تعشق عملها وتحب ان تكتب الجديد دائما ًودلتها هدى صديقتها عن موضوع شائق بجبل الفيوموتتوالى الأحداث في تسلسل من الخيال العلمي .وفي النهاية تدور الأحداث أن لآقوة إلا بالله وكل ماعدا هذا هباء وهراء .. 

2-الصيد الثمين هي قصة بوليسية اجتماعية تحكي عن ضابطين احدهما يحكم ضميره والآخر لايهمه سوى مصلحته الشخصية وفي سبيل تلك المصلحة لايهمه من يقتل أو من يظلم بينما الآخر مستعد أن يضحي بحبه في سبيل الشرف ومصلحة الآخرين ..قصة جميلة وقلم مبدع وللحقيقة يا أمل ربما لعيب مني أنا أنا لا أميل للخيال العلمي مثلما احب القصص الإجتماعيةولذلك يا ليتك تمدينا دائماً بارومانسي الجميل الذي تبدعين فيه وقد ابدعتي بالفعل في الخيال العلمي كذلك ولكن ربما بحكم سني أميل للواقع أكثر ..تحياتي******************دكتور مصطفى سيف صاحب المجموعه القصصيه وكتاب ضوء اسود Mostafa Safe

قمت بقراءة كتاب (الكهف)الكتاب جميل لكي قلم يستطيع ان ينقل الينا التشويق و الاثارة و التفكير المستمر في محاولة معرفة باقي الاحداث نلهث خلف الاحداث دائما (الكهف) حين تجد حياتك داخل كهف غامض و تحاول ان تعرف اكثر عن نفسك المجهولة المختبئة هناك (الصيد الثمين ) معبرة عن أحوال البلد و الفساد المستشري تحياتي لقلمك الجميل 

******************** 

الاستاذ / محمد فاروق الشاذلى صاحب كتاب ذكريات للبيع 

الأديبة / أمل زيادةلم استطع أن أتوقف عن قراءة (الكهف) إلا بعد أن انتهت أحداثها فهى بالفعل مليئة بالتساؤلات والأحداث المشوقة، وإن كنت أعترف أن (الصيد الثمين) أعجيتنى أكثر فقد كتبت بشكل أكثر إحترافاً من الكهف، وحبكة القصة لاينقصها التشويق ونهايتها جائت منطقية.تحياتى

****************

اكره واتعجب واحب !!

اعترافات كاتبة مجنونه ومخنوقة

اقر وانا بكامل قواى العقلية انى

اكره الكذب لو كذب شخص على مرة واحده تنطبع فى ذاكرتى كاذب مهما قال  ولو كان صادقاً  لا اصدقة  لا اثق بكاذب قط

اكره  عندما اكون ذاهبة للنوم بعد يوم شااااااق ومرهق  اجد نور ابنى يقولى ماما عايز اتعشى !

طيب ماانا قدامك من بدرى  طيب اعملك بيض وجبنة ومربى ولانشون وجبنى رومى  

اه وياريت البيض يكون شكشوكة وبطاطس محمرة ( طبعا بصل وزيت والشقه يبقى ريحتها اكل   والجو ده وبعد ما كنت داخله انام ارجع تانى للبصل والسكينة   وما يتبع العشاء من غسيل الاطباق ثم  اجد زوجى العزيز بعدها بشويه رجع من الشغل لقانى بغسل الاطباق يقولى بتعجب واندهاااااااااااش بتعملى ايه ؟

اكره  شيل شمس كل يوم من الصاله لغرفته وسريرة علشان ينام اصل جنابه بينام على روحه فى اى حته

اكره جدا لما امى تتصل بيا  بمجرد عودتى للبيت وتسألنى السؤال الروتينى انتى جيتى ؟

وهات يا رغي  رغم انها عارفه ان الوقت ضيق ووريا غداء   وتظبيط الشقه  ولو كنا فى انتظار  مدرس ده موال تانى وطبعا اتحرق اقاطعها وهى مسترسلة فى الموضوع شفتى زوجة اخوكى عملت ايه شفتى اخوكى اللى ما اتجوز هبب ايه  امتى يتجوز بقا ولا الواد بتاع المكواه  كل شوية يجى ولا خالتلك بقيت تنسى بتحكى القصة عشرين مرة ولا ولا ولا .... وفى الاخر تقولى انتى ليه مش بتردى ؟

اقول لها : لا ابدا بسمعك .........ز تكمل ونقفل وقبل النوم مكالمة كمان وتقولى انتى ليه بتردى على  الاد كده اقول لها  : لا يا امى بس  كان ورايا حاجات كتيير وكنت بكلمك وانا بفكر انجزهم ازاى بسرعة وفى حاجات كنت بعملها وانا بكلمك  

ترد بتلقائية طيب مش تقولى علشان مش اطول وتانى يوم نفس الحكاية  بس هعمل ايه ربنا يخليها  دى ست الكل

اكره جداً ان كل ما ازور حماتى فجأه كده امراض الدنيا تصيبها 

صدااااااااااع مش عايز يروح الضغط عالى  ضهرى ركبى  وكانى بفكرها بالمرض !!!!!11

• اكره الشعارات الرنانه  التى تطلقها اخت زوجى كلما تقابلنا وكانها هى الوحيده الوطنية والمصرية واحنا عملاء وبعدين لما تتضايق تثور وتقولك حكومتك حرامية بلدك كلها حراميه وفجأه تتخلى عن مصريتها لو حد   عاملها وحش او لم يستجب لمطلب من مطالبها !!

• اكره جدا لما ازور اخي فى بيته ولا يجلس معنا لانه كل شويه رايح جاى على المطبخ لدرجة انى بقول له نيجى المطبخ احسن علشان مانتعبه من كتر ما بيضيافنا  ناقص يجيب التلاجه فى ايده كريم بجد بس انا بيكون نفسى اتكلم معاه مش رايحه اكل يا كبيير

• اكره لما  يكون ورايا شغل ولازم اخلصه ضرورى على الجهاز والاقى نور  واقف ورايا وبيقول لى  خلصى انا عايز اقعد

• كل لحظة ومع كل نفس يكرر الجمله لما ازهق منه واسيب الجهاز يقعد وهو منتصر

• اكره لما افتح الحنفية والاقى مش فيها مياه احساس يجنن

• اكره جدا لما  افتح الجهاز واكون محتاجه انى ابعت ميل للشغل والاقى النت فاصل

• بتجنن من شمس لما يكون وراه واجب وقاعد يلعب وكل لحظة اقول له اكتب الواجب الاول والعب وما يسمع الكلام ولما ازهق منه واسيبه او او اقول له العب الاقيه ساب اللعب وقعد يكتب الواجب لان اليوم خلص وقرب ميعاد النوم وهو خايف من مدرستة فبيقعد يكتب الواجب بكل همة ونشاط

• 
  

• اتجنن لما اقعد احكى لزوجى عن حاجه او موضوع هام  او مشكلة كبيره وابص فى وشه الاقى تعابير جامده   كده مش ليها معنى

• اكره زوجى عندما يختلق المشاكل ويثور لاتفه الاسباب

• اكره ان اراه بيهزر مع  شمس لان فى الغالب بيقلب جد لان هزاره هزار صعايده ولازم يقلب بخناقه بجد

• اكره ان الجأ لابى فى مشكله او لاخذ مشورة منه وبعد ما احكى له بالتفصيل عن الموضوع يقول لى ببساطة لكى زوج هو المسؤل خليه يحل لك مشاكلك !

• اكره  لما اتناقش مع اخى الذى خطب عشر مرات وفشل ولما نتناقش فى هذا الامر يقسم ان الخطأ ليس منه وانه برىء واننا نتجنى عليه والعشر بنات هما المخطئين ملاك هو

• اكره مدرسة شمس عندما يقولون لى ممنوع الدخول  رغم انى  بكون موجوده بعد الساعه 12 زى ما بيقولو  لكن بردو ممنوع دخول اولياء الامور اصلى غاوية انى اروح اتخانق معاهم فراغ بعيد عنكم مش لا سمح الله رايحه لان المدرسه  فيها مشكله  زى مثلا انهم كاتبين اسمه فى الاوراق غلط او انه لسه الى الان لم يستلم كتب اللغات لان المدرسه لسه ما  رسيت عليها المناقصه الخاصه بالكتب رغم انهم اخدوا المصاريف كامله

للحديث بقية 

اذاعة حور الدنيا

مذكرات ناشط سياسى الجزء الثانى والاخير

إضافة تسمية توضيحية

* من اهم المواقف في فتره الكليه :

منذ بدايه الكليه وانا كنت بحب الدراسه و المواد جدا و بدات اجيب كتب من قدام الكليه في نفس المواضيع

و وقعت تحت كتب صعبه ل مثلا أحمد ديدات و علي النت حاجات زيه و و المقابل له ايضا يعني مسيحين بيهاجموا الاسلام و مسلمين بيهاجموا المسيحيه

انا طبعا كلامهم اثر عليا كتير و في وسط الكليه قلت لزمايلي انا مش مؤمن بالكتاب المقدس ده ولا اي رسل او انبيا او كتب انا هاقراء في كل الاديان و ادرسها و بعدها اشوف في الطريق الصح ومحدش اعترض لان الي كان بيكلمني كنت بناقشه في مواضيع مبيعرفوش يردوا و بيتفاجؤا حتي قعدوني مع رجال دين ومحدش يعرف يناقشني و بالفعل بداءت ادرس من كل حاجه اعثر عليها من الانترنت في الكليه او المكتبه او نت في سيبر لاني ايامها كنت مغترب و هكذا و بعدت فتره لقيت المسيحيه اقرب لمبادئي و افكاري لان نظرتها للزواج و الطلاق و للتسامح الزياده و البوذيه ايضا بس معرفتش الاقي حاجات عن البوذيه و قلت ممكن ابقي اسافر الهند و الصين عشان اعرف اكتر و ادرسها بجد و فضلت مسيحي فعلا مش بالوراثه لحد تقريبا 2005\2006

و كنت بالصدفه قابلت في القطار الكبير بتاع الجماعه الاسلاميه في الجامعه عندنا و اتصاحبنا في القطار ولما زمايلي قالولي ده رئيس الجماعه او الحركه و كانوا كل فتره يعملوا عروض غيره في الكليه زي مسيرات و مظاهرات ماسكين في المصاحف و صاوريخ كده زي الاربيجيه طبعا مش حقيقه و عروض عسكريه و كراتيه و حاجات كده , قلت كويس لاني حابب اتكلم معاه في الدين و اشوف فكره

و بالفعل تاني يوم اتكلمت معاه في الدين و هو متحفظ قوي ومش بيتكلم ولا بيفتح اي نقطه بقيت انا الي بفتح نقط و اطلب منه يناقشني و هو مرديش

*** اتعرضت في الكليه ل 3 محاولات لضرب او اغتيال ابقي لوحدي او مع عدد قليل من زمايلي و الاقي حد بيندهلي – صحيح انا كنت مشهور قوي في الكلية   لاني كنت من وجهت نظرهم اوفر لبسي شعر و اسلوب حياتي – المهم الاقي خد ندهلي و قالي سمعت  انك بتتكلم في الدين و فجاها الاقي بقي معاه حوالي 4 او 5 و واحد فيهم يقولي انا معرفش مين و الاول في كونغفو علي المحافظه قلتله وانا بدرب كونغفو في دار الدفاع الجوي مش هتخوفني يعني وويحاولوا يشدوا معايا علشان تبقي خناقه كان زمايلي بيجمعوا  بسرعه و يسحبوني من وسطهم و ياخدوني لحد القطار يروحوني لدرجه مره في الكليه بقي الي بيدافعوا عنى مجموعتين وانا اعرف حد من كل مجموعه و مش عارفه قوي المجموعتين ضربوا بعض ابقي في حمايه مين و يومها كانت الكليه مهزله بقي 3 مجموعات بتضرب في بعض و اغلبهم مش اعرفهم اساسا ولا عارف مين مع مين و ناس وخداني للقطار ويومها كانوا المصابين كتير لانهم ضربوا بعض ب لمبات نيون و زجاجات الحاجه ساقعه

ومحدش بيعرف سبب الخناقه ولا حتي الحرس ميعرفوش مين السبب ولا ايه

لحد ما مره كان ليا صديقه اسمها هند كانت صديقتي قوي وكنا بنتكلم في كل حاجه حتي الدين ولما كانت تساألني في حاجه كنت بقولها حتي بكل وجهات النظر من الاسلام و كنا اصدقاء قوي

لحد ما في يوم اتكلمنا عن المرأه في الاديان و الديانات القديمه و عملت لها زي بحث من 3 ورقات

و طبعا عيون الجماعه عليا في الكليه لحد ما وانا داخل الكليه عندي محاضره لقيت حد من بتوع الحرس بيندهلي و بيقول قائد الحرس عايزك

دخلت له لقيت هند بتعيط و الورق مع القائد و بتوع الجماعه حوالين مكتب الامن  من بره و بيبصوا لي قوي

القائد طبعا كان عارفني و مش هانسي ساعتها نظرات و دموع هند و مقدار الضغط الي حصل عليا

كانت نظرتها زي كأننا نحب بعض و اهلها خلاص منعوها عني . المهم

القائد اتكلم معايا لوحدي انا وهو بس  و قالي ألبير أحنا هنا في بني سويف

  خف في الكليه عشان حتي احنا مش هنقدر نحميك منهم ولا هنعرف نعمل حاجه انت عارف الي بيحصل في الصعيد ايه خف خالص و تيجي لمحاضراتك وبس و تمشي على طول ده عشانك وانت حر .

 دي تقريبا اهم مواقف عندي في كليه و فتراتها مفيش غير اني كنت بروح جامعات مختلف اتعرف علي بتوع كليه اداب بس

 ********* 

- كم اخ واخت لك ومن اقربهم اليك ؟

= هي أخت واحده أسمها يوستينه 22سنه (1990)

كانت بتطلع عيني وهي صغيره

كانت تفضل تضربني و تغلس عليا وانا ساكت ولما اجي كأني هأضربها تجري علي ماما و تبل صباعها و تحطه حولين عنيها كأنها بتعيط و تعض نفسها و تقول لأمي اني عضيتها و بجري وراها عشان أضربها

بس دلوقتي هي كبرت و أنا وهي مرينا بظروف عائليه من صغرنا خليتنا مرتبطين جدا جدا ومن زمان ال بيشوفنا بيقول أننا مخطوبين مش أخوات

 ******

متى دق قلبك لاول مره  ولمن  غلاسه مش كده ؟

حياتي العاطفيه دي ليها قعده مش هاعرف اكتبها قوي أوكي ؟؟

 *******

ندخل بقى على المرحله  الهامه والتى ستكون محور حديثنا

مكتوب فى بروفيلك انك مسؤل عن ملف الوقفات والمظاهرات و الأعتصامات · ديسمبر، 2010‏ إلى الوقت الحالي

احكى لنا تاريخك مع هذا النشاط السياسى  وحول هذه المعلومه بالاخص؟

دي مجموعه كان "أسمها رابطه البرادعي للتغيير " مجموعه خرجت من الحمله الرئيسيه لدعم البرادعي و كان الي ماسك الحمله وقتها عبد الرحمن يوسف و اداره بوظت الشغل و الناس بقيت مش راضيه

وانا مستقل لما حضرت لهم اول اجتماع كان اعلان علي الفيس بوك و كان بشارك مع 6 ابريل كل انشطتهم و قلت اروح و اشارك مع المجموعه دي كمان

و بالفعل من اول يوم لقيت اسلوب ادارتهم ممتاز و كنت عضو مؤسس و بنزل معاهم الشارع توعيه و منشورات و جمع توقيعات لبيان التغيير و كانت من انشط المجموعات تقريبا

وسبب اني بقيت منسق المظاهرات و الاعتصامات عشان انا بشارك في اغلب الحركات و متواصل معاهم و عارفني من زمان وكنت بقترح عليهم كلهم في كل اجتماع اننا ننسق مع بعض في كل حمله او مظاهره

و بالفعل عملت ورقه عمل و قدمتها للرابطه

 *****

كيف   بدأ وعيك السياسى ونشاطك  كناشط  سياسى فى الظهور متى اول مره شاركت فى اضراب او نظمت اعتصام وكانت ايه اهدافه

بداء وعي السياسي من صغري لان والدي كان في العراق و انا  بتكلم معاه في السياسه و الدين من صغري

*****

و اول مشاركه كانوا 3 مظاهرات في يوم واحد و كان يوم جميل جدا بالنسبه ليا

و الاضراب احنا مكناش بنعمل اضراب ولكن اعتصامات للافراج عن زمايلي لما بيتقبض عيلهم او يعتقلوا او يلبسوا قضيه و اسف في الفظ ولكنها كده

********

كيف كان نشاطك فى عصر المخلوع

شرحته تقريبا فيما  سبق كنت بشارك في كل الحركات و الانشطه حتي التصور مع الناس لاخد اراهم و عملها في كليبات توعيه

********* 

وهل تجد هناك فارق الان وبعد مرور عام وكام شهر على الثورة ؟ هل لمست تغييييير؟

ده عايز نتكلم مع بعض لانه مش عارف انظم نفسي و كلامي دلوقتي

 ******

بصفتك اصغر ثائر رأيته الى الان  ماهى نصيحتك للشباب المصرى ؟

مش اصغر اعرف ناس اصغر مني كتير انا سني 27 سنه

نصيحتي يقراؤا كتير قوي قوي قوي و ميرددوش كلام و خلاص بيسمعوه و خلاص

و يتأكدوا من كل حاجه بتتقال او تتنشر و يبقي ليهم توجههم الخاص مش يتبعوا لكلام حد او حركه او حزب

لانه الكيانات دي اكتر ناس دمرت الثوره و الحياه السياسيه في مصر

***********

لماذا  تدعم البرادعى ماذا تجد فيه غير باقى الموجوديين على الساحه  ما الذى يميزه على غيره ولو امكن اعطينى نبذه عن فكره لتطوير والنهوض بمصر ؟

البرادعي لانه نقي و شريف و واضح و تاريخه مشرف و فعلا له مواقف لازم اشرحها لحضرتك

********* 

هل اختلفت الشخصيه المصريه بعد الثورة وياريت تقارن بينهما قبل وبعد الثوره؟

الأختلاف الوحيد انهم بقوا كلهم بتكلموا و كانهم خبراء سياسيين و كلام و خلاص و كلمه توديهم و كلمه تجيبهم

و من وجهت نظري دي مش سياسه لان محدش هيتكلم سياسه بدون ما يكون ليه علي الاقل ايديولوجيه واضحه و فاهم يعني ايه ايدولوجيه و يساريه و راس ماليه و ..... الخ

 ********

كيف ترى الحلول للخروج من مستنقع الازمه فى مصر ؟

البناء و العمل بجد و كل الجهود تكون في مشاريع ضخمه و تنمية التعليم و البحث العلمي و الاعتماد عليهم

فتح مجال الحريات بشكل منضبط و اكبر

 *******

احكى لنا عن ايام الثوره والميدان وقتها اوصف لنا شعور الناس وقتها  ترابطهم حبهم للبلد كان  ازاى بيعبرو عنه كيف كان الميدان فى خلال 18 يوم ؟

كان اروع ايام ومش هاقول غير ان كلمة مصر او العلم كان بالنسبه لينا دين و رمز مقدس و فعلا كنا حاسيين بمعني كلمه انتماء و بلد و كنا فخورين بيهم جدا

 ****

هل اختلف الميدان الان ورواده اختلفو ولماذا ؟

هما مختلفين من الاول و كتير منهم اتخدع في ناس مش شايفه غير مصالحها وبس

و ناس مش واعيه و تتحرك بدون نظره واقعيه او خبره و درايه

 *********

ماهى رؤيتك للحياه السياسه فى مصر قبل وبعد الثوره

مصالح و بس

 **

اكتب رأيك فى كل من مرشحى الرئاسه فى مصر ولو عندك تعليق على شخص بعينه ياريت  تقول / البرلمان / امريكيا / اسرائيل / المجلس العسكرى / القضاء المصرى / الجمعيات الاهليه / جهاز الشرطه / البلطجه كظاهره ملموسه فى الوقت الحالى وطرق القضاء عليها

البرادعي : الشريف النقي

عمرو موسي : الجواد الخاسر

العوا : منافق زيه زي مصطفي بكرى من وجهة نظري

انا الي حدفته ب قزايز الميه البلاستك لما جه يتصور في الميدان و احنا بنموت في محمد محمود

و الجزيره كتبت انه اتطرد من الميدان

ابو الفتوح : يكفيه تاريخه و شوكه في ظهر الاخوان و لكني مش متأكد منه لاني لم اكلمه او اتناقش معاه

ابو اسماعيل : لو كان فضل داعيه كان افضل لا السياسه فيها الكثير من الكذب و الخداع

شفيق : روح شوفلك ناس غيرنا تجيهم بنبوني و متقولشس ايه تاني و ابقي جمع قبل ما تتكلم

عمر سليمان : حيه ماكره و مخادعه

المشير : نصيحه روح شوفلك تربه او الحق اهرب و عيش الباقي من عمرك لو كان فيه باقي كفايا عليك كده

البرلمان : نفس برلمان 2010 مع تغيير الاسماء و والوشوش بس

صباحي : بطل من يومك و شد حيلك الطريق صعب

امريكا : قوه مؤثره يجب ان تجعمي الحريه و الديموقراطيه الحقيقه بدون مصالح شخصيه لان النظم الديموقراطيه اقدر علي التعاون من الصراع

اسرائيل : مثال للدوله الدينيه

المجلس العسكري : كاذبون انا قعدت معاهم لما كنا مضربين عن الطعام و كاذبون و مخادعون جدا

القضاء المصري : لو أشتغلوا حكام في الدوري يبقي اشرف لهم و اريحلنا

الجمعيات الاهليه : علي الرغم من فساد كتير فيها ولكن كثير منها دوره اساسي لايمكن الاستغناء عنه

جهاز الشرطه : بلطجيه الي حين الهيكله التطهير الحقيقي

البلطجه : جزء من النظام وهو الذي يديره و جزء تمرد علي كمية الكبت و المعاناة التي كان يعيشها و جزء تمرد و ثار بطريقته الخاصه

و للقضاء عليها لدي فكره افضل نتكلم فيها و هي تعتبر لجان شعبيه .

 *******

كيف يتم تطهير المؤسسات من الفساد على كافة المستويات من وجهة نظرك

قيام مجموعه شريفه باكتشاف القله الطاهره في المؤسسات تلك و مساعدتها علي اعادت الهيكله و التطهير مع تعديل الكثير من القوانين و علي مجلس الشعب لانه كان يدير تلك الامور مع الحكومه ولكنه الثوره فسدت

****** 

كيف تصبح مصر قوه عظمى ؟

البناء و المشروعات العملاقه و البحث العلمي و التعليم

 *******

ماهى الخطط البديله للاصلاح كى نرتقى بمصرنا ؟

الأعتماد علي النفس مع محاولة تخطي العقبات القانونيه و الحكوميه و تكوين مجموعات عمل

******* 

سؤال : هل حقاً نحن كشعوب عربيه لابد ان يحكمنا ديكتاتور والامثله كثيره العراق لبييا ومصر ..... بعد سقوط الطغاه ظهرت النزاعات العرقيه والطائفيه

ده موضوع كبير ولكن الشريقيين لديهم ثقافه فيها الكثير من الرجعيه و العبوديه  منظورها للرئيس او المنصب

و تحتاج لتغيير و ثوره تقافيه

 ******

هل تؤمن بنظرية المؤامره والطرف الثالث واليد الخفيه ؟

لا أفضلها ولا أحبها ولكن الطرف الثالث هو طرف افتراضي لطرف من الطرفين متخفي

 ******

عندما تقع كارثة ما  مثل احداث بورسعيد ماالذى يتبادر لذهنك على الفور ......هل هى مؤامرة ام حدث جلل لشغل الرأى العام عن امر ما ؟

مؤامره يديرها من يريد افتعال الأزمات و تصفية الحسابات و أجهاض الثوره ولا بد من وزاره لأدارة الأزمات لسرعة معالجة تلك المواقف

 ******

ألبير صابر عياد

ده كان حوار مع البير صابر عياد 

الذى يحاكم الان بتهمة ازدراء الاديان

حد بالعقلية المتفتحه اظن انه شخصية تستحق الاحترام 

ونرفض ونشجب الاسلوب والتعسف الذى يعامل به فى محبسة هو وزائرية

وقضيتة من الاساس باطله لان والدته استنجدت بالشرطة بعد تجمهر اهالى الحى تحت منزلهم بغرض حماية ابنها فوجئت بهم يقبضون عليه 

الحرية لالبير صابر