ممنوع دخول الرجال *_^

ممنوع الرجال

تخيلو كده دخلنا مكان ولقينا مكتوب فيه ممنوع الرجال طبعا غير ال wc

اكيد حاجه تفرح

والاجمل بقى ياسلام لو الدنيا من غير رجالتصحى الصبح  منشكحه من غير ماحد يبوز فى وشك على الصبح تمشى فى الشارع من غير ماحد يضايقك تركبى مواصلات من غير ما تشيلى الهم ترجعى للبيت وانتى مطمئنه ان مفيش حد هيستقبلك وهو يقولك المفروض والواجب وهيمر اليوم بسلام من غير محاضرات فى كيفيه التعامل مع الناس  والتفانى فى العمل  واى كلام المهم  محاضرة كل يوم وكمان نترحم من الحاله التى تصيبهم عندما نكون مشغوليين للغايه فى ذروة الامتحانات الاولاد ياسلام على الايام دى كل تيرم نفس الاعراض  نفس الحركات نفس الكلام ولا كأن الاولاد دول  اولادكم انتم الاثنين ويا سلام لما تعبرى عن رأيك فى حاجه تكون مخالفه لوجهة نظره  تبقى فتحتى على نفسك ابواب جهنم

ويا سلام على الاحساس بالحريه  انك تجرى تلعبى تنامى  تسمعى اغنيه هابطه حتى  تكتبى ترسمى  تاكلى اللى تحبيه بصل ورنجه

 تعيشى من غير ملاحظات من غير تحفظ

تكتبى اراءك على النت من غير ما تلاقى حد يقولك عيب انتى مش صغيره

ازاى تغلطى  امال عامله فيها مثقفه والاولى على الدفعه

يا سلام على الهواء من غير رجال  اكيد غير الهواء برجال

ولا الشمس والسماء والسحاب من غير رجال اكيد منظرهم يأسرنا اكتر لاانكر اننا ممكن نفتقد التسليه  لكن لو ممكن بس اخد اجازه  يومين فى الاسبوع من الرجال فى كل مكان فى البيت والشغل  والشارع  والاهل كمان السؤال بس لما الدنيا تبقى من غير رجال  الستات هيضيعو وقت فى ايه ؟

ممكن لو الرجال اختفت من الكون لا نلاقى انصار ابو اسماعيل ولا غيره

ولا نلاقى حروب ولا نزاعات  هل الرجل يساوى الحروب

هل الرجل هو سبب الكوارث اللى فى الدنيا

مش عارفه بس بجد نفسى فى دنيا من غير رجال اعتقد كده ممكن نبدع اكتر  فى كل مجال  والحياه تبقى منظمه  مرتبه  ونظيفه داخل المنزل وخارجه ياريت  اللى يمسك الحكم فى البلد يعمل يومين اجازه فى كل اسبوع الرجل يرتاح من الستات واحنا نستجم من غيرهم واى رجل ينزل الشارع فى ميعاد الاجازه على المعتقل على طول

*_^

امل زياده