دماء في الغربة

اماكن تواجد اصدارات دار ن 

وبلاخص دماء في الغربة 

دماء فى الغربة

الكتاب موجود فين؟

- أنا سعيد انك سألتني السؤال ده !

دي أماكن تواجد الكتاب في القاهرة والمحافظات وبرة مصر..

القاهرة الكبرى:

مكتبة «أ» - بوابة 4، مول العرب - 6 أكتوبر

فيرجن ميجا ستور – موال العرب – 6 أكتوبر

مكتبة الشروق – أمريكانا بلازا - 6 أكتوبر

مكتبة الشروق - داندي ميجا مول - طريق مصر اسكندرية الصحراوي

مكتبة «أ» - شارع العريش – الهرم

مكتبة ديوان - داخل جامعة القاهرة 

مكتبة ديوان - داخل نادي الجزيرة الرياضي

مكتبة ديوان - شارع 26 يوليو - الزمالك

مكتبة الشروق - 17 ش حسن صبري - الزمالك

مكتبة «أ» - سيتي سنتر – المعادي

مكتبة «أ» - شارع 9 - المعادي

مكتبة ديوان - 1 ش 254 - دجلة 

الكتب خان – 13 ش 254 - دجلة

مكتبة «أ» - محطة مصر - رمسيس

مكتبة الشروق - 1 ميدان طلعت حرب، بجوار صيدليات العزبي - وسط البلد

مكتبة عمر بوك ستورز – 15 ش طلعت حرب – وسط البلد 

مكتبة فكرة - سيتي ستارز مول - مدينة نصر

مكتبة الشروق - سيتي ستارز مول - مدينة نصر

مكتبة ديوان - صن سيتي مول - مصر الجديدة

مكتبة ديوان - 105 ش أبو بكر الصديق، ميدان سفير - مصر الجديدة

مكتبة «أ» - 132 ش الميرغني - مصر الجديدة 

مكتبة «أ» - الرحاب مول - مدينة الرحاب

مكتبة «أ» - كايرو فيستيفال سيتي - القاهرة الجديدة

الإسكندرية:

مكتبة «أ» - بجوار بوابة 4 – الساحل الشمالي

مكتبة «أ» - مول العروبة - برج العرب

مكتبة ديوان - شارع بورسعيد، أسفل مكتبة اسكندرية

مكتبة الرملي – محطة الرمل 

مكتبة فكرة - مول سان ستيفانو

مكتبة ديوان - سيتي سنتر مول، الكيلو 6

مكتبة «أ» - 30 عبدالقادر رجب، كفر عبده

مكتبة روايات الشباب

مكتبة «أ» - سيتي سنتر مول، الكيلو 6

دمياط:

مكتبة مجاز

مكتبة سفير

الزقازيق:

مكتبة حروف

طنطا:

المكتبة القومية – ش القاضي

مكتبة صحافة طنطا

بورسعيد:

مكتبة كتابيكو

أسيوط:

مكتبة «أ» - 30 شارع الجمهورية

مكتبة ومضة – نادي الشبان المسلمين

سوهاج:

مكتبة الصحافة

شرم الشيخ:

مكتبة «أ» - الـ مركاتو مول

الغردقة:

مكتبة ديوان - سنزو مول - طريق الغردقة سفاجا

خارج مصر:

السعودية: مكتبة المتنبي

الكويت: مكتبة ذات السلاسل – العجيري – الفكر الحديث

عمان: مكتبة بيروت

الإمارات: مكتبة زين المعاني

أمل زيادة وبرنامج القناة الثانية يسعد صباحك

https://www.youtube.com/watch?v=3U5Law3U7cA

لقاء الكاتبة أمل زياده فى برنامج 'يسعد صباحك'

لقاء الكاتبة أمل زياده فى برنامج 'يسعد صباحك'

حب

اول الكلام

يقال اننا نحتفل بعيد العشاق ميعرفوش ان العشق اتوجد علشانك وان مش يوم بس هو اللى هيبين معزتك ولا محبتك

بس بما انه تقليد وفيه الناس بتلتمس  الدفء الل اختفى من حياتنا

نصيحتى ليهم بصوا حواليكم هتلاقو اللى بيحبكم واللى تحبوه وقبل ده وده حبوا نفسكم الاول علشان تحسوا بالحب

***************

اليك

اليك وحدك انتمي

ومعك انسى همومى

وبك تكتمل سعادتى

اليك انت

يا تؤامي

يقولون ان الازواج بعد سنين طويلة من الزواج تتسع الفجوة بينهم ويصيبهم الخرس

لكنى اجدنا العكس وهذا بفضل حكمتك وتعاملك الراقي وتقبلك لارائى

ولسعة صدرك

********************

بحثت

بحثت عني

جمعنا القدر بلا ميعاد ولا ترتيبات

ونما حبنا مع  الايام

ومرت علينا  ازمات ومشاكل كادت تعصف بحياتنا واستقرارها

لكنك بحكمة قدت سفينة حياتنا لبر الامان

ومع الايام زادت غلاوتك واحترامك فى القلوب وكل يوم تثبت للجميع انك انت الخالد الراقي بخلقك

انت الزوج الحانى وانت الابن البار وانت الاب العطوف

وانت الرفيق الذى تقدم النصيحة

**************

معك

معك بدأت حياتي

ومعك ستنتهي

وبك اكتملت فرحتى

بدأت مجدي الادبي ولولا تشجيعك ودعمك الدائم

ماكنت حققت اى نجاح

شاركتنى احبطاطتى

وتحملتنى

تحملت جناني اثناء كتاباتي ولم تتذمر

عانيت من طبخي طويلاً  بصبر

تحملت طيشي وقلة خبرتي بصدر رحب

معك اكتملت سعادتي

وبدونك لا تستقيم حياتى

دمت خير الزوج والاب والاخ والصديق

كل سنه وانت طيب يا خالد

هابي فلانتين داى

J

الانين

كان القمر غاطساً في السحاب وكان يتدارى .. وكان يطل ... حين يطل ..وجلا .. صغيرا ..متآكلا ..مغبرا  ..لم يكن يفرش المكان بالنور .. وانما بالاسى والشحوب .

كانت الاجساد مشبوحة فوق حمالات التعذيب .. وكان المطر يرخ ..وكانت الاجساد تشلب دماً وماء .. وكانت السياط تشق الهواء وتعوي .. تلمع في المطر وتعوي وكانت الصرخات تتساقط مفزوعة في الوحل وتتلوى

كان الانين  ذلك لا يصدر عن فم وانما عن شهقة الجسد – متواصلا .. خشنا .. متحشرجا ... مخنوقا كأنه تنهد الارض .وكان هو معلقا يتأرجح ..رأسه  الى اسفل .. ويداه ورجلاه الى اعلى وكانت اربطة  الشاش قد تطايرت والجرح قد انفتح والجلد قد تهرأ وكانت السياط ما تزال تهوى .. لكن الوهن بدأ يدب .. فاستطاع ان يرفع جفنيه وان يرى .. واستطاع ان يلحظ .. واستطاع ان  ...

وفكوا وثاقه  فهوى عل الارض والسياط عليه .. انهض .. لم يكن قادرا  .. انهض ...  لم يكن قادرا 

.. تلاطم على الارض  .. انهض ... انكفأ .. انهض ... تلاطم .. انهض   ... وارتفع الحذاء .. انهض .. ودق رأسه ... انهض .... واندفع الدم .... انهض .. قانياً  ... انهض .. لزجاً دافئا ً .. انهض ..

و... لم ينهض ..

انتفض الجسد .. تقلص .. تموج  بالرعشات .. ثم  انفرش ساكناً ..... وكان القمر غاطساً في السحاب  ؛ وكان يتدارى .. وكان الحذاء ... يرتفع ويهوى  ... ويرتفع ويهوى ...  ويرتفع ويهوى ...

*****

كان الوهن قد  اصاب امه في الصميم فأقعدها عن الحركة  لكن عينيها لم تكف عن تسلق الحائط كل لحظة .. والارتماء على صورة ابنها والاجهاش بالبكاء ..

 كان انينها لا ينقطع طول الليل ...

كان انينها هو ذلك الصوت الوحيد .. الدائم .. المنتظم .. الذي يتردد مع انفاسها  زفيراً وشهيقاً ..

لكنها ذات ليلة سمعت آنينا اخر  لم يصدر عنها ... يتردد فى حجرتها

فى الاول كان الانين خافتاً .. كأنه ازيز حشرة تغرق ... لكنه مالبث ان ارتفع .. استندت على كوعها .. ومدت اذنيها .. كان الانين واضحاً .. كتمت انفاسها .. كان الانين فعلا لا يصدر عنها ..

وانتشرت عيناها تتسع .. تبحث .. تتحسس .. واحست ان الانين يخرج من تحت سريرها .. انكفأت تحت  السرير واللمبة فى يدها  والرقبة ممدوة .. واللمبة ممدودة وال ....... وارتعبت ..

كااان الانين فعلا يخرج من تحت سريرها ..

اقتربت .. كانت صرة ملابس ابنها  التى سلموها لها تحت السرير تنتفض ..

اقتربت وكانت تتمسح فى الحائط مرعوبة .. وكانت تتقلص من الالم ..كان الانين يخرج منها  متواصلاً ..متحشرجاً .. مخنوقاً ..

و.. صرخت وارتمت على الصرة تحتضنها في فزع ..

من المجموعة القصصية

صراع  للكاتب / صلاح عبد السيد

جريدة الاخبار

12/4/1978

رسائل 2

عارف انت الناس اللى لما بيختفوا من حياتك بتحس انك مخنوق  وايامك كلها زى بعضها

وان فى حاجه ناقصة وكل شوية تبص حتى على رقم تليفون حبيبك

الناس دى متفرطش فيهم

دور عليهم ... وبادر انت وروح لهم

محدش عارف بكرة ممكن يحصل فيه ايه

متضيعش الوقت فى عتاب وزعل

انسى وسامح

**************

عارف انت الناس اللى لما تسمع منهم كلمة

تخليك طاير فى السما

الناس دى اوعى تخسرهم .... لانك عايش بيهم

وهما عايشين ليك .. مهما عملوا سامح وعدي وقدر ظروفهم

************

عارف لما تكبر بينكم المشاكل خد اجازة وابعد

علشان تعرف غلاوتهم في قلبك

لو حسيت بالحزن  والندم  او حتى تأنيب ضمير

او حسيت بأتقداهم  ارجع لهم ... لانهم زيك بالضبط

سبحان الله فعلا اللى ألف  القلوب بينكم

*****************

عارف يعنى ايه حد يقولك حتى عقارب الساعة بتعانده ومش عايزة تمشي لانها عارفة انك راجع بعد بعد وخصام

اتأكد انك غالي اووى عندهم ..

***********

زمان قالو محدش بينجرح اووى اووى الا لو ان بيحب اووى

رغم ان اللى بيحب عمره ما يا يجرح حبيبه

*****************

تأكد ان مادام حد اثر فيك اووى كده غيابه 

يبقا اكيد انت بتعزه اووى ... سيبها للوقت وربك بيحلها

وقادر انه يرقق قلبه عليك ويرقق قلبك عليه

مسألة وقت

*************

فى ناس بيدخلو حياتنا من غير ميعاد ... ولما يسيبونا ويمشوا بياخدوا معاهم كل حاجه حلوة

الغريب انهم لما بيمشوا انت بتشوفهم فى كل حاجه حواليك

كأن الحاجات دى بتقولك .. اعقل؛ فكر ؛ راجع نفسك ؛ سامح

****************

عارف الناس اللى مهما بعدت عنهم وغلطت فيهم حتى لو كان بسبب

وتلاقيهم زى ما هما مش بيتغيروا

الناس دى لسه موجوده سبحان الله

مهما عملت فيهم بيغفرو ليك لانهم فعلا بيحبوك من قلبهم

الناس دى حافظ عليهم وحطهم فى عينيك

************

عارف انت الشخص اللى بتحس ان حياتك وقفت لما اختفى منها

اتاكد انه حد غالى اووى علشان اثر فيك كده

خلى عندك امل وسامح وابدأ وصالحه حتى لو ان غلطان

************

عارف انت لما تبقا واثق جدا فى حد وثقتك المطلقة فيه منبعها انك عاشرته وفاهمه

بس كبرياءك مانعك انك تبدأ بالكلام

الناس دى زيها زيك بتتألم وبتتعذب

لانها عارفة انك زعلان

الحل انك ترمي ورا ضهرك لو كنت فعلا لسه بتعزهم وغاليين عليك

اتشجع وكلمهم ... لان مفيش كبرياء فى الحب

 أمل زيادة

رسائل

عارف لما يبقى فى شخص انت متأكد من مشاعره تجاهك وبيعمل المستحيل علشان يشوفك  او يطمن عليك او حتى يسمع عنك ولو من بعيد

الشخص ده اول ماتلاقية

 امسك فيه اوعى يفلت منك لان امثاله انقرضوا

***********

عارف لما تضغط على حبيك وهو يضغط عليك لحد ما توصلوا لمرحلة الصدام

ورغم انفعالك عليه تلاقية بهدوء يقولك الله يسامحك

تأكد ان الحد ده بيعشقك مش بيحبك بس

هى بس ظروف ... اللى خلتكم تبعدوا

***************

عارف لما تفارق حد بتحبه وتلاقية بيجيب سيرتك  ويقول عليك ملاك

تأكد ان هو اللى ملاك

*************

عارف لما تسمع اغنية حزينة وعيونك تدمع مع كلماتها

تأكد انك حبيت بصدق وانجرحت  اووى ... والزمن قادر انه يداوي جراحك

**************

أزمة ثقة

ازمة ثقة

نعيش فى اسوأ فترات  التاريخ المطلوب منا  كشعب بكل فئاته ان نتحد لمحاربة الفساد المستفحل فى المؤسسات والذى يعوق تقدم الدولة

هذا طبعا بخلاف المؤامرات الخارجية التى تحاك ضد مصر وضد جيشها

ليس الهدف من هذه السطور الدفاع عن فئة ما او مؤسسة ما

الهدف كله  تسليط الضوء على اسوأ ما فينا وازدواجيتنا فى التعامل مع الامور

بعد عزل مرسي ومن قبله تنحى مبارك اتضح اننا نتيجة كبت ثلاثين سنه اصبحنا خبراء ومحلليين سياسين

خبراء فى العلاقات الدولي ؛ وفقهاء قانونين  ايضاً ؛ ودعاة ؛ ومخولين بتطبيق شريعة الخالق بحد السيف

نكفر هذا ونسب ذلك ونستبيح دم هذا 

   نشكك فى ذمة البعض ونعرض اسوأ ما لدينا ونتباه به

لا اسمع الا نفسي فقط ؛ لا احترم الغير اختفت القيم  والاخلاق

اصبح الصوت العالي والعصبية سمة العصر

وصفة شخصية فى كل شخص قد تكون نتيجة قلق على المستقبل نتيجة تخبط نلمسه من المسؤلين ..

قد تكون لانعدام ثقتنا بالقائمين على  مقاليد الامور ف البلاد

نحن نمر بحالة انعدام وزن قد نخسر فيها انفسنا قبل ما نخسر وطننا

اختفى الانتماء علت نبرة الكره لكل ماهو ضد رأيي

هل نحن بالفعل شعوب غير مؤهلة للديمقراطية كما يقولون ؟

هل نحن نستحق ان نحكم بالسوط لاننا شعب فرعونى لا يعجبه اى شيء؟؟

انا لا اعتقد ذلك

اعتقد اننا بالاساس نعانى من ازمة ثقة

ثقة بانفسنا قبل ان تكون ازمة ثقة بمؤسسات الدولة

لابد ان نبدأ بانفسنا قبل ان نطلب من الغير ان يستجيبوا لنا او يستمعوا لارانا

نتج عن الانشقاق المجتمعى ثلاث فئات بعد ان كنا فئتين فقط

فئة الشباب المتمرد الثائر المندفع الذ يحلم بيوتيبا 

لا وجود لها الا بين طيات اوراق الكتب

شباب كله طموح وامل ومبادىء جميلة  لا وقتها ولا مكانها ..  شباب كل اماله انه يرى هذا الوطن  من ارقى البلاد .. لكن الوقت والامكانيات ضد كل هذه الاحلام

ليس عيبا فيهم  بل عيبا فى المسؤلين لانهم لم يفكروا الى الان فى حلول جذرية لاحتواءهم وتسخير طاقاتهم

هؤلاء الشباب طاقات مكبوته مهدرة متجاهلة  وللاسف ناقم على هذا البلد

لانه من وجهة نظره لم يقدم له شيء لازال حديث التخرج ويأخذ مصروفه من اهله ..

هو يريد ان يعمل فى مجال تخصصه واذا توفرت له  فرص للعمل يريد ان يكون مرتبه مناسب او الوظيفة تناسب امكانياته من وجهة نظره غافلا ان الدنيا خلقت فى ست ايام فبالتالى بناء المستقبل الوظيفى لابد ان يبدأ بالتدريج...

وهناك نوع اخر  متكاسل لا يريد الالتزام بالاستيقاظ مبكرا لذا يفضل العمل الحر وفى النهاية ايضا يلقى  بهمومه على الدولة  التى لا توفر عمل مناسب لامكانياته ونوم سيادته

هؤلاء اول فئة

فئة اخرى  دولة العواجيز  كبار السن اباءنا واجدادنا  العاشقين للاستقرار سواء كان فى اى صورة كانت حتى لو كانت فى صورة قمع او عبودية هؤلاء لا  نلومهم لانهم عاشوا اسوأ فترا ت العمر وعاصروا حروبا وازمات شتى جعلتهم يعرفون قيمة الاستقرار  وهؤلاء  ينقسمون لنوعين ايضا

جزء منهم مكافح  يعمل بشرف بلا كلل او ملل من اجل توفير لقمة العيش لاولاده  ورغم ذلك يأخذون الفتات  لكن هذا لايمنع انه يورث وظيفته لابنه لو اتيحت له الفرصة .. وهو حال كل مؤسسات الدولة ..

وجزء اخر طبقة ارستقراطية  بنت ارستقراطية ممن ولدوا وفى فمهم معلقة ذهب طبقة رجال الاعمال

طبقة استولت على مقدرات البلد واحتكرتهم  بمساعدة  النظام

وعاسوا فى الدنيا فسادا والقوا بالفتات للطبقة الاولى

وهؤلاء ظهورهم فى هذا الوقت افسد الصورة والوضع تماما

معروف علاقاتهم بالنظام السابق والاسبق  وان كل همهم هو الاستيلاء على المال فقط

 لكل هؤلاء اتمنى ان تختفوا تماما من ا مشهد اذا اردت ان تثبت انك تغيرت او حتى كنت مظلوم  اثبت ده عملى

مش ضرورى تقرفونا بالظهور فى الفضائيات بصراحة  بوظتوا الفرحة باى تغيير

ولن تستقيم الصورة الا لو مشيتوا او اختيفتوا خالص

هو لازم تطلعوا على الشاشات علشان تثبتوا وطنيتكم  اللى اعرفه ان حب الوطن  مش محتاج ظهورولا مزايدة

أمل زيادة

أقوال

في ناس معرفتها كنز وناس البعد عنها مكسب ومابين هؤلاء وهؤلاء فرق شاسع

فى ناس القرب اليهم يمدنا بالحياة وبعدهم عنا نفقد الحياة ورغم كده بيفضلو يقتلوننا ببعدهم

قساة القلوب ما اكثرهم .. وما اكثر  ضحاياهم ..

الثقة عندما تكون فى غير محلها تنقلب الى لعنه تصيبنا بخيبة أمل

انت يا هذا هل انت سعيد وانت ترقص على جثث وقلوب غيرك المحطمة

انت  لا تنظرى للخلف كونى قوية هو لا يستحق دموعك

نفس البدايات دائما لها نفس النهايات

القصة وهم اسمه حب  تتحول الى طيش  فتعلق فتفانى وتضحية من كلا الطرفين ثم انشغال اهمال فتوووووور تجاهل ففراق فحطام فحزن وانكسار ..

الحب والخيال العلمى  مثل الشمس والقمر الاول وهم  لا وجود له والثانى حلم اليوم حقيقة فى المستقبل

المحبون يقعون فى الحب برغبتهم وهم مدركون ان النهاية واحده

بداي الطريق غلط فلازم تبقا النهاية غلط

لا احد يشعر بانكسارك الا خلاياك

لا احد يهون عليك حزنك الا الخالق

وراء كل ابتسامة ألم عميق وجرح اعمق

من السذاجه ان تبنى احلامك على وجود شخص معين

لا تثق بأحد ثقة مطلقة حتى لاتصدم صدمة العمرفيه

عندما يبررحبيبك غيابه تأكد انه يفكر فى الابتعاد عنك

مرارة الفراق اقسى من جرح الحبيب

لاتسمح لاحد ان يخترق حدود قلبك

ليس كل ما نحبهم يحبوننا

كلما تعاقب الليل والنهار عاقبت نفسي على تسامحها معك

عندما تثور النفس لا يطفئها الا جليد الفراق

في ناس معرفتها كنز وناس القرب منهم مكسب وناس البعد عنهم غنيمة ومابين هؤلاء وهؤلاء وهؤلاء فرق شاسع  :)

#بقلمي_أمل_زيادة

مابين الانصهار والتجمد تحطم القلوب

الفناء والعدم راحة وهدف لكل مجروح

الموت امنية كل جريح

الفرق بين الحب والواقع تماما مثل الفرق بين السماء والارض

لا تبنى قصورا  من الرمال حتى لا تهدمها الرياح

مخطىء من يظن ان المستحيلات اربعه لانك خامسهم

ادمنت الهواء لانه يذكرنى بك

حبك ادمان لاشفاء منه الا بالعزل او الرجم

لاتعطى من لايستحق ما تظن انه يستحقه

شيئان علاجهم الزمن هما  الجراح والفراق

ما اشد احتياجنا للنسيان او الهذيان خاصة عندما تكون انت بطل الاوهام

لا فرق بين الوقوع فى الحب والوقوع من فوق الدرج الاثنان يخلفا جراحاً

لحظة ظهور  الحبيب كلحظة شروق الشمس

الشمس تنير الكون وانت تنير القلب

لا وجود لك ولا لغيرك

انت اكبر وهم عشته برغبتى

زمان قالو الدنيا بخير كنت اعتقد انك انت الخير لكن الزمن اثبت العكس

فى قربك ألم وبعدك جرح وف غيابك راحة

انت لا شىء لانك مخلوق من عدم

كنت الهواء الذى اتنفسه من بعدك هددنى الاختناق

حب كبير يعنى وهم كبير

بت اتمنى ان اموت ولو مليووون مرة على ان اجازف واراك ثانية

# بقلمي/أمل زيادة

البكاء

البكاء

شعور جامح تحاول ان تسيطر على مشاعرك

لكن  رغما عنك تجد ذكرياتك تتزاحم  كى تذكرك بغدر من احببت

بفراق من وثقت فيهم

الدموع تغسل القلوب قبل ان تغسل العيون

الدموع تقوى النفس  رغم انكسار القلوب وتحطمه على يد اغلى البشر

البكاء شفاء للروح

البكاء يخفف الالم

البكاء يهون على النفس الجراح

البكاء علاج لكل مرض

الحزن

لماذا

نشعر بالحزن

نشعر بالحزن لفراق شخص ما 

نحزن اذا اسائنا للغير

نحزن اذا وثقنا فى شخص وخذلنا

نحزن لوفاة عزيز لدينا

نحزن لفشلنا فى تجربة ما

نحزن اذا اخطاءنا فى تقييم الامور

نحزن اذا خاب املنا فيما نحب

نحزن لسفر شخص عزيز

نحزن لو مرضنا بمرض عضال

نحزن لو عجزنا عن اسعاد انفسنا

نحزن عندما نخسر كرامتنا

نحزن عندما نهان 

لكل هذه الاسباب نحزن والحزن شعور اليم عميق يهز الوجدان ينعكس على الملامح وعلى نبرة الصوت

الحزن من اكثر المشاعر  ايلاما وجلدا للذات

دائما يعقبه ندم

وسخط وحنق ولوم 

لاننا اسأءنا الاختيار او ظلمتنا الايام او هزمتنا الظروف

لا تستسلم للحزن فدائما عقب كل غروب شروق ..

أمل زيادة