أهدتنا احدى الصديقات قطه شيرازى
لونها رمادى القطه من النوع الهادىء جداً الذكى المحب للماء ! بعكس القطط العاديه او المألوفه أو ربما يرجع حبها للماء نظراً لارتفاع درجات الحرارة المبالغ فيها
كل شوية نلاقيها غرقانه مياه
او تسكب الماء التى تشربه وتنام فيه حتى تبلل جسدها
الى هنا وده كله ممكن يكون عادى
المشكله كلها فى وجودها مع الاستاذ شمس الدين
شمس باشا زعيم العصابه القطه بتحبه جداً لانه بيلعب معها وبيجننها بالحزام كأنه ثعبان
كمان ظبطته بيحطها فى درج الديب فريزر والفرن والثلاجه الاتوماتيك بيحب يعرف رد فعلها ^_^
مزاج عنده انه يلاعبها وهى فى عز نومها بحيث ينغص عليها عيشتها ويفسد يومها ونومها
الحقيقه بتصعب عليا اووى القطه لانه بيمسكها من ارجلها الاربعه ويهددها بالالقاء من النافذه وسط صراخ القطه عندما تجد القطه نفسها فى الهواء ويمسكها من قدمها ادام اخوه ويمرجحها وهى ساكته خااااااااالص ومستسلمه
دايما بقول له الاعرابى دخل الجنه لانه شرب الكلب احنا هندخل جهنم بسبب اللى بيعمله مع القطه
اخر حاجه لقيته بيضايقها وهى يا حرام نايمه على روحها خااااالص ومستسلمه لمضايقاته لانها عايزة تنام
علشان يسبها قلت له غنى ليها
لقيتة بيقول لها
ايها الراقدون تحت التراب
طبعا احنا انفجرنا فى الضحك
حد عنده حل للاستاذ ده ^_^
هناك تعليق واحد:
السلام عليكم ..
الكائن الرمادي جميل ولكن شمس باشا أجمل .. ما شاء الله ..
اللهم احفظه واجعله باراً بوالديه ..
واكتب له السعادة في الدارين ..
تحيتي وتقديري
إرسال تعليق