مكتبة ليلى

شباب وشابات وعاشقي القراءة احب اقولكم ان رواية فى الخاطر موجوده فى مكتبة ليلى فى شارع جواد حسنى تليفونها ده 0223934402 

عن طريق الاتصال برقم الدار أو إرسال بيان الكتب المرادة على ميل الدار أو جروب ألفيس بوك الخاص بالدار 
على ان يتم تحديد أقرب محطة مترو للقاريء ليصل اليه مندوب الدار 
الخدمة مجانا دون أي تكلفة اضافية على سعر الكتاب 
الهاتف ؛ 01110622103 
01147633268
Daroktob1@yahoo.com

سارع بأقتناء نسختك قبل النفاذ ^_^

اجمل قصص الحب

بمناسبة الاحتفال بعيد الحب او الفلانتين كما يقولون

الحب من اسمى الشاعر الانسانية التى نتوقف امامه ونشعر بالحيرة كيف نصورة وننقل المشاعر كما نرجوها حتى لا يشعر القارىء اننا نصطنع الموقف

لذا قررت ان اذكركم ببعض قصص الحب على مر التاريخ والتى تركت علامة فى الاذهان وفو ذكر اسماء ابطال هذه القصص مصاحباً لاى عمل فنى او مسرحى نترقب وبلهفة ننتظر كيف سيتم معالجة العمل بشكل جديد او كيف سيتم تدوال هذه القصص بطريقة واسلوب جديد

كلمة اخيرة

بالحب تتطهر النفوس ويعلو البشر على الصغائر ويسعون للخير ويعزفون عن التباغض والتحاسد
إنه الحب ........ الذي يصنع المعجزات في كل زمان ومكان

اذا اردت ان تقوم سلوك شخص دعه يحب

اول هذه القصص

 روميو وجوليت

ربما تكون أشهر قصص الحب على امتداد التاريخ على الاطلاق، فقد أصبح روميو وجولييت صنوين للحب. وتمثل قصتهما مأساة أبدع في كتابتها الشاعر الانكليزي الأشهر وليام شكسبير. وهي قصة شابين ينتميان الى عائلتين استحكم العداء بينهما، لكن الحب جمعهما وغامرا بالارتباط بعلاقة زوجية، لكن موتهما المأساوي وحدّ العائلتين المتحاربتين في نهاية المطاف.

**********
كليوباترا ومارك انطونيو
قصة الحب الحقيقي التي ربطت كليوباترا وانطونيو تعتبر من أشهر قصص الحب التي لا تُنسى والتي تثير التعاطف مع بطليها. وقد جسد شكسبير هذه القصة، التي تخلّد الحب بين شخصيتين تاريخيتين، في مسرحية مأساوية بعنوان «انطونيو وكليوباترا».
وتمثل العلاقة بين هاتين الشخصيتين اختباراً حقيقياً للحب، لقد وقعا في الحب من أول نظرة، لكن هذه العلاقة بين القائد الروماني انطونيو وملكة مصر كليوباترا أثارت غضب الرومان الذين كانوا يخشون من تنامي قوة المصريين نتيجة هذه العلاقة، وعلى الرغم من كل التهديدات، تزوجا.
ويُقال أنه في الوقت الذي كان انطونيو يخوض حرباً ضد الرومان، تلقى أنباء كاذبة عن موت كليوباترا، فانتحر بسيفه، وحين علمت كليوباترا بموته شعرت بصدمة شديدة ولم تحتمل ذلك فانتحرت هي الأخرى.
*********
تريستان وأيسولد
رويت قصة الحب المأساوية بين تريستان وايسولد على مر الاجيال وبأشكال مختلفة. حدثت القصة في العصر الوسيط أثناء حكم الملك أرثر.
ايسولد كانت ابنة ملك ايرلندا وتمت خطبتها الى ملك كورنوول، مارك الذي ارسل ابن اخته تريستان لمرافقة ايسولد الى كورنوول، لكنهما وقعا في الحب اثناء الرحلة.
اتمت ايسولد زواجها من مارك، لكنها لم تستطع نسيان حبها لتريستان واستمرت علاقة الحب هذه بعد الزواج.
وحين علم الملك مارك لاحقا بأمر هذه العلاقة، سامح ايسولد لكنه حظر على تريستان دخول كورنوول، فاعياه المرض وارسل بطلب ايسولد علها تشفيه،لكن احدهم ابلغه انها ترفض القدوم فمات كمدا، وحين وصلت الحبيبة كان الوقت متأخرا جدا!

انا شخصيا اقتنى المسرحية واعكف على قراءتها كلما شاءت الظروف بلا تردد واعيد قراءتها عشراااااااااااات المرات

شاهدتها كفيلم اجنبى ايضا فيلم مش ممكن جميل جداااااا ً فيه رومانسية بطولة تضحية وصفح وايثار

*********

 قيس وليلى
انها قصة حب مأساوية أو قصة الحب المستحيل التحقق.
دارت أحداثها في الجزيرة العربية وظلت الاجيال ترويها جيلا بعد جيل وكتبت حولها المئات وربما الآلاف من الروايات والقصائد والقطع الادبية المختلفة، ومحضها ان قيس وليلى احبا بعضهما البعض وهما يافعان، وحين شاع خبر الحب الذي يربط بينهما، منعا من اللقاء فأصيب قيس بالاحباط وهام على وجهه في الصحراء وصاحب الحيوانات، وامتنع عن الأكل والشراب فاطلق عليه لقب «مجنون ليلى» وأُجبرت ليلى على الزواج برجل آخر.
وبعد ان حرما من اللقاء في الدنيا، دفن قيس وليلى بعد موتهما في قبرين متجاورين.

**********

عنترة بن شداد وعبله

قصة حب جميلة ايضا

يحكى ان عنترة احب عبلة بنت عمه وهى احبته وعندما تقدم لها رفضه عمه لان ابزه لم يعترف بنسبه ولانه اسود اللون وابنته عربية نقية

وعندما شعر ان ابنته تميل اليه طلب ان يكون مهرها الف ناقة حمر وهو امر صعب التحقيق لكن عنترة تحمل فى سبيلها كل  الصعاب ولانه فارس استطاع ان يتحمل وعورة الطريق فى الربع الخالى واستطاع بشجاعته وفروسيته ان يعود بمهر محبوبته وعندما عاد لم يوافق عمه

وظل هذا الوضع على هذا المنوال حتى زوجها ابوها من احد فرسان القبيلة

وحزن عنترة اشد الحزن واعتكف وظل يردد اشعارة ممتدحاً محبوبته ومتحدثا عن امجاده وبطولاته مازجا بينها وبين حبه حتى مات وهو يحبه

ادهم صبرى ومنى توفيق

منذ تفتحت اعيننا على قراءة رجل المستحيل ونحن نعلم ان ادهم ومنى بيحبو بعض

وبيحبو بعض لدرجة ان ادهم لما فقد الذاكرة هى اللى كانت رفيقته فى احلامه حتى استعاد ذاكرته

وفى احلك المواقف كان لا يتوانى عن فدائها  بنفسه

الحقيقه مش عارفه هما اتجوزوا ولا ياريت حد يقولى ؟

*******

من خلال رواية

فى الخاطر

امل زيادة

محمود وعليا

قصة حب نادرة

تدمي القلوب

ايضاً كان للقدر وجهة نظر اخرى فيها

******

آنا كارنينا

او نهر الحب

قصة حب جميلة كما صورها الرائع عمر الشريف والمبدعة فاتن حمامة

لكن الرواية بها تفاصيل اكثر وبالتالى اعمق فى التناول

******

دى قصص حب اتكتب لها ان يسلط عليها الضوء

لكن فى الحياة وكل يوم هناك مئات ان لم يكن ملايين قصص الحب التى ولدت ولازالت تولد مع اشراقة كل يوم جديد

ربنا ما يحرمنا من نعمة الحب

قولو آمين

أ

هو يكذب وهى تتجمل

هو يكذب وهى تتجمل

الموضوع المرة دى كبيير ومهم  وخاص جدا

هبدأ من الاول : شاب نوى يتجوز

كلم والدته تدور على عروسة واخيرا لقت واحده بنت ناس وصغيرة ودبرو مقابله وحصل القبول والموافقه ثم اعلان الخطبه والزواج

لحد هنا وكله عادى  وبيحصل كتيير

طيب تعالو بقا نقارن طوال فترة الخطوبه الطرفين يعيشوا اجمل لحظات العمر وكان اللحظات دى مش موجوده او  متاحه بس للخطيبين

فطول الوقت هو يكذب وهى تتجمل وتكبر الجمجمة من منطلق جوزك على ما تعودية !

وبعد الجواز الصدمة

ايه ده شخصية مختلفة تماما وبدأ الاناء ينضح بما فيه من عقد نفسية وفهم للرجولة غلط حتى كلمة الف سلامه مفيش

وكأن الرقة والذوق حكر على فترة الخطوبة ؟

ليه التحول ده  مش عارفه

ليه تسخيف الاراء والمشى بدماغه وكأنه العالم ببواطن الامور ولما تتكلم  يقول انا اكتر خبرة

طيب هى الخبرة دى بتتقيم ازاى  ماهو ممكن تكون كبير فى السن ورصيدك من الخبرة زيرو ولا هو من منطلق انا الراجل ابقى صح ؟

حتى التغير بيظهر فى حاجات بسيطه نفس الحاجات اللى كانت بتعملها ايام الخطوبة نفس الاكل

يمكن كمان نفس العطر نفس الاهتمام به والمفاجأة من رد فعلة مسببا صدمة كبيرة للزوجه لما تلاقى الزوج مكشر وكأنه لو ضحك مثلا هيمرض

وفجأة الاكل وحش ايه اللى انتى عاملاه ده

ابوكى قال  بعد ما كان ( باباكى وادامه حضرتك يا عمى )

امك قالت اخوكى عمل

وتلاقى انك قاعده تبررى وتدافعى كأنك فى قفص اتهام

وطبعا  يمكن لو سكتنا شوية كمان نكتشف ان الست هى سبب  ازمة البنزين ويمكن كمان ارتفاع الاسعار والحرب على العراق

تقول الزوجه يمكن لما يكون فى نونو الوضع هيختلف

لكن العكس هو الصحيح لان انشغالها بالضيف الجديد يجننه

وطبعا تبدأ مرحلة جديدة من الاكتشافات النفسية العميقة للزوج

والعجيب لما تتكلم مع والدته وتشكى لها سوء طباع ابنها تضحك بخبث وكأنها شمتانه فىها وببساطة تقولك اصله زى اللى خلفه

طيب انا ذنبى ايه فى ان ابوه كان بيعاملك وحش مثلا

وكأن الزوج ينفث عن عقد طفولته مع الزوجة والاولاد

هو لازم الزوج يبقى صورة من الاب والبنت صورة من الام

ممكن اكون صورة منهم بس اخد اجمل ما فيهم

ماهو لا هما ولا احنا ملايكة

لا وكمان يقولك درر

انا كنت بشتغل طول عمرى وانا صغير منذ الطفولة ولازم ولادى يبقوا رجالة زى ابوهم

طيب زمان كان حاجة ودلوقتى حاجه

يعنى بنت ولا ولد فى سنه سته ابتدائى تشتغل ايه وفين ؟

ومين اساساً هسيسيبه يعمل كده لالا كده اوفر الحقيقة

الاولاد خط احمر واصفر واخضر وبنفسجى واسود على كل ظالم ومعقد نفسياً

الخلاصة  الرجل بعد الزواج

بيحمل الزوجه فوق طاقتها انا اعرف رجال ميعرفوش اولادهم فى اى سنه دراسية رغم انه موجود ضيف فى لوكاندة المنزل قصدى البيت اللى بالنسبه له لوكانده

!!!!!

ده كان نموذج اولى

النموذج الاخر مصيبة من مصايب الزمن

تزوجوا بعد قصة حب

عرفو بعض عن طريق الشغل

المسار التقليدى للعلاقة  ارتياح

نظرات ، ترقب ، ابتسامة ، لقاء ، خطوبة ، زواج

ياااااااااااااااه  منتهى السعادة الزواج عن حب

ده اختيار الطرفين

طبعاً  طبعا محدش يقدر يعترض

لكن لا لحظة من فضلك عزيزى الرجل

يبدو ان التركيبة  النفسية واحده

الزوجه حالمة فاكرة انه هيفضل لطيف ده على طول

لالا انتى بتحلمى

ده لو مصرغلبت الجزائر و وصلت كأس العالم هو يتغير

بعد الجواز

نفس السيناريو

انتى فيك كذا وكذا ، اهلك قالو

وكانه ملاك هو وعيلته

!!!!!!!!

ومفيش مانع شوية تسخين من صديق سيء او فاشل اسرياً ً

او من امه او اخته

وتبدأ نبرة الصوت تعلى

وهات يا سب في الدهر والزمن اللى وقعها فى سكته

ويلعن حظه التعس

ولما تسكت الزوجه وهى بتغلي

يتجنن اكتر ويتطور الامر لخناق وضرب وسباب ليها وللى خلفوها كمان

وطبعا هى لا حول لها ولا قوة لاننا فى مجتمع يغفر للزوجه اى شىء الا الطلاق تظل موصومة به طيلة عمرها حتى لو كان مجني عليها وتظل منبوذه حتى من اقرب المقربين لان لعنة الطلاق  طالتها وطالة اولادها

انا اعرف سيدة زوجها حدفها بكرسى فى وشها لما كسر لها عظام الانف وفضلت فى المستشفى حوالى خمس ايام تتعالج

وكمان  فى زوج مريض الله يحرقة بجاز

لما بتتأخر عند امها  لحد الساعة 9 مساءاً يتصل بيها

انتى فين ؟ لسه هناك طيب

ترجع بسرعة لبيتها تلاقى الحاكم بأمر الله منتظر

اول ما تدخل البيت الجيران يسمعو ا شتيمته ليها وكأن بيكلم عاهرة

ومش مكسوف من ابنه وبنته

ولا من الجيران ولانها مش ترد يقوم ضاربها وواخد العيال وطارداها من البيت وقافلبالمفتاح  ويقولها روحى لعندهم

******

ولما بقولها ليه مستحملة ترد باكية  علشان ابنى وبنتى وبنتى اكتر والله والله ابنى اتعقد

بنتى بتقول هو ليه بابا مش بيضحك؟

لو لقيته ضربك تانى  هضربة بالازازه على دماغه

يارب يسافر وميرجعشى ؟

وابنى لما بيكون عايز حاجه بيطلبها منى وانا اطلبها من اخويا لانى لا اجرؤ على انى اطلب منه حاجه حتى الموبايل اللى جالى هدية كسره

تليفون البيت كسره كمان لانه مش بيحب يتصل ويلاقى التليفون مشغول

والله يا مدام  انا بضرب فى البيت ده اكتر من العيال

قلت لها قولى لاخوة او لامه

تقولى امه بتقول لى

احنا عارفين انه مجنون ؟

****************

السؤال

دى تبقى عيشة

ذنبها ايه  البنت والولد

والزوجه هل اخطأ لما اختارت انها تتزوج عن طريق القلب ؟

ماهى لو كانت تعرف انه كده استحالة كانت هتوافق ؟

طيب نعرف ازاى ؟

والاهل يعملو ايه علشان يحسنو اختيار ازواج لبناتهم؟

هو الرجل بيتجوز منظر اجتماعي مثلا ؟

ومع الوقت تبدأ عقده النفسية فى الظهور ؟

كده لازواج صالونات ناجح ولا زواج عن حب نافع يبقا ايه العمل وفين الحل ؟

ليه الزوج بيستغل ضعف وصمت الزوجه وصبرها على تحمل سوء طباعة

لدرجة انها تتمنى موته

ولا تملك قرار الانفصال

لان لديها اولاد وليس لها مصدر رزق ولا سكن واحنا فى زمن محدش بيستحمل حد ؟

وللحديث بقية 

الفزاعة

الفزاعة

يعتمد كل نظام عندما يريد شغل الاعلام عنه بأختلاق ازمات وهمية

تصبح حديث الساعة وتتسابق الفضائيات والتوك شو والصحف المقرؤة لتغطيتها وتكتظ البرامج بالضيوف والمحللين السياسين والخبراء للادلاء بدلوهم ...!

اتساءل كل يوم وللاول مرة منذ عامن اين اختفت  السحابة السوداء ؟

التى كانت تطل علينا كل شتاء وكانت اصابع الاتهام تشير الى  حرق قش الارز؟

السؤال المنطقي اين السحابة السوداء هذا العام والعام الماضى الحقيقه افتقدنا وجودها !

اصبحت لغز بالنسبة لى هل فعلا كان فى سحابة ودخان من حرق قش الارز ولالا

طيب احنا بطلنا نزرع الارز ولا الفلاح اللى بطل يحرق القش ولا السحابة كانت نتاج حاجه تانية خالص تابعة لعصابة المخلوع وبخلعه اختفت ولا هى بزنس بس علشان تسوق لدواء ما ...! بكل الاحوال

وحشتينا ياغالية !

*****

ومع كل بداية عام دارسى جديد فجأة ودون سابق انذار تجد الاوبئة تنتشر انتشار النار فى الهشيم

ونفس السيناريو الاطباء يحتلون المقاعد امام الكاميرات لمدة شهر او اكثر وتتابع الاخبار انتشار الوباء المزعوم فى المحافظات ثم فجأة يهدأ الامر ... بطريقة مثيرة للدهشة

ويختفي الوباء تماماً ويضمحل من الشاشات تماماً ؟

السؤال الآلى الذى سيفرض نفسه عقب كل أزمة مفتعلة من وجهة نظرى ؟

هل فعلا فى وباء ؟

وكيف ينتشر بهذه السرعة ثم يختفي فجأة ؟ دون مقدمات

ولا الموضوع متعلق بالبزنيس يعنى حد من رجال الاعمال عنده صفقة ادوية وتطيعمات وعايز يسوقها

وطبعا الشعب المصري طيب القلب يسارع بالتطيعم احترازيا خوفا من نقل العدوى لفلذات كبده والمستفيد فى الاول والاخير أصحاب الشأن !

تماما كما حدث مع انفلونزا الخنازير

والدتى  اصيبت بهذا المرض ,كانت على حسب ما اخبرونا وقتها ان نتيجتها كانت ايجابية وحجزت فى المستشفى واخدت التامى فلو

الان وبعد مرور اكثر من عامين عندما ذهبت بالصدفة لنفس الطبيب والمستشفى اخبرته انها حجزت هنا لانها كانت تعالج من انفلونزا  الخنازير قال الطبيب ببساطة  ولا مبالاة .. مفيش حاجه اسمها كده ياحاجه  ده كانو بيضحكو علينا ...!

*************

بقعة الزيت

منذ عدة اشهر طالعتنا الصحف بخبر غرق بارجة نيليلة فى اقاصى الجنوب المصرى وتسرب بقعة زيت كبيرة ادت الى تغطية سطح النيل على طول محافظات بأكملها وعمل ورد النيل على اعاقة شفطها كما اخبرنا المسؤلين وبدأت البقعة فى الزحف  لباقى المحافظات التى ادت لقطع المياة عن المحافظات المتضررة وهرع الاهالى لتخزين المياة وشراء المياة المعدنية  وكانت ازمة كبيرة جداً ومر شهر واتنين ولقينا البقعه وصلت للحواامدية ومحافظة الجيزة  هل هو تباطؤ من اداء الحكومة

ام سوء حظ لا اكثر مع سؤء الاحوال الجوية  ام هو بزنس  يعنى حد مهم عايز ياخد نصيبة من التورتاية وعايز يلحق يكوش على اى حاجه مش مهم الناس تشرب المهم اجمع قرشين

وكالمعتاد كما ظهرت بقعة الزيت  على سطح النيل اختفت وكأنها تبخرت وعادت المياة تانى للمحافظات  سبحان الله مصر فعلا بلد  العجايب

*************

الحمى القلاعية

قبل كل عيد اضحى نتفاجىء بظهور هذا المرض الخطير الذى يصيب الماشية

السؤال اشمعنى مش بيصيب الماشية طول السنة ليه قبل عيد الاضحى؟

محاولة لاثناءالشعب عن الذبح او تناول لحوم محلية

ام محاولة لتسويق صفقة لحوم قادمة من الخارج  من البرازيل ولا السودان بردو يبقا الموضوع لا يعد كونه بيزنس

والشعب المصرى الضحية

**************

نفس الامر تقريبا عندما تحاول الحكومة محاربة استيراد اللحوم من السودان والبرازيل

تجد الفضائيات تنشر اخبار كاذبة عن ان هذه اللحوم بها ديدان او اوبئة ما

لكنها بالغليان يتم القضاء عليها

وذلك امر عارى من الصحة لان الحقيقة ان  الحكومة قررت فجأة ان تشجع  المنتج المصري

!!!!

وممكن جدا يكون فى خلاف بين حد كبير وحد كبير وعايزين يضربوة فى مقتل ويفسدو صفقته يعنى مش عملية اشجع المصرى خااااااااااالص

********

اعتقد ان بعد ده كله م هنصدق اى حد وده لانعدام الثقة بينا وبين المسؤلين ولان المسؤلين  اخر همهم الشعب والمواطن

اتمنى ان يتغير الوضع

أمل زيادة

قالوووو عن فى الخاطر

محمد زياده

إنتهيت من الرواية الان

ماشاء الله حاجة جميلة ورائعة 

وإليك رأيي المتواضع بعد القراءة والتذوق والاستمتاع بعقل القارئ ثم بحواس المتخصص

أولا ) الرواية رائعة رومانسية مشوقة جميله لها طابع أنثوي فريد .. بمعني لا أظن أن يكون كاتبها رجل فلن يأتي بوصف تفاصيل المشاعر بهذه الدقة ولو كان روائي محترف ، حتى في تدرج العلاقة والمشاعر بينهما ووسيلة التعبير في كل مرحلة .

ثانيا) الكاتب ... لها أفق واسع ( في السرد والتفصيل ) وخيال عميق ( في طرح المواقف وكأنه لا حل لها ثم يبدع في أيجاد الحلول والمفاتيح السحرية كمثال كيفية وصول الطرفين لبعض ) وحس مرهف ( بعد اللقاء الأول أرادت علياء تذكر جميع مفردات اللقاء من كلمات ونظرات ومشاعر .... يتجلى هنا أبداع الكاتب حيث جعلها تغلق الموبايل والأبواب ، وكأنها ترفض أي كائن حي في تلك اللحظة مهما كان .. وهذا يجسد مدى صدق وشفافية علياء وأنه حقاً أو حب لها ولذلك تتذوقه لأول مرة بكل كيانها وحواسها ) .

الله عليكي أستاذة أمل ... أنتي حقاً موهوبه .. وعقبال الرواية المائة لك ـ وبالمناسبة أنا أعتبر الصفحة ( 67 - 68) تحفة وعروس هذه الرواية ، نقلة مشاعر غير عادية 

لي ملحوظة متواضعة جداً ... سأقولها لك .. أن أذنتي لي بها

مثل كلمة بخبث

معلوم أن كلمة خبث دائما تنصرف للنوايا السيئة

فمن الممكن تكون بمكر

فهناك المكر السيئ والمكر الحسن

يمكرون ويمكر الله والله خير الماكرين

او كلمة بذكاء 

حضرتك ذكرتني بأيه

مائة عام من العزلة .. برنارد شو

حول العالم في مائة يوم لأنيس منصور

مع فارق الحبكة الروائية والتفاصيل عند حضرتك رائعة

كل واحد بيكون له لحظة ابداع خاصه .. يعني مثلا أي مقرأ قران له سورة معينة يبدع فيه دون أن يعرف ذلك مسبقا

أي اديب .. تأتيه تعبيرات أو مفردات .. رائعة

انتي تدرجتي بالمشاعر والحوارات في الرواية

لكن في هذه الصفحة أنا بعتبرها نقله عاليه تأخذ قلب القارئ فجأة .. ولا سيما رقة وصدق التعبير للبطلة لما كتبت له على كف يده كلمة بحبك

أعتقد انها فكرة ..لا تأتي على عقل الكاتب ألا اذا كان عايش ما يكتبه حقا وشاعر بيه

إنتهى

***********