https://www.facebook.com/events/367826606611063/
أصدقائي رفاق التدوين,,,
تحياتي
السنة اللي فاتت كان في دعوة للتدوين اليومي و إشترك فيها كتير من المدونين..عن نفسي عرفت مدونات كتير و مدونين أكتر و فضلنا متواصلين لحد الآن..كمان كتبت 30 تدوينة بإسم "قصاقيص من حياتنا" من أجمل ما دونت ما بين خواطر و قصص و مقالات..كنت بسهر كل يوم أدون و أعلق و أرد على التعليقات..كان فعلاً أفضل تواصل إفتقدناه جداً بعدها.
يمكن بسبب الظروف السياسية و الإحباطات المتواليه..لكن جاتلي فكرة دعوة تانيه للتدوين اليومي في شهر يونيو..أنا عن نفسي هعملها و أتمنى تشجعوني و تتشجعوا معايا عشان نقضي على حالة الرتابه و الخمول التدويني و نتواصل بشكل أفضل.
نسيت أقول إن في نهاية يونيو اللي فات بعد حدث التدوين اليومي كان بداية العمل على مسابقة أفضل 100 تدوينة ثم كتاب "أبجدية إبداع عفوي" الإلكتروني و أخيراً النسخة الورقيه اللي نشرتها دار ليلى كيان كورب يناير الماضي و كان شرف لي أن أشارك في هذا الكتاب العظيم اللي ضم أجمل نخبة من المدونون..
هاااا
هتشاركوا السنه دي..نستمتع بالحدث و نسعى للنجاح؟
أتمنى
شيرين سامي
صاحبة مدونة "حدوتة مصرية"
و المدونة الجماعية "معطف من القيود"
مشاركة بقصة "معطف من القيود" في كتاب إلكتروني (عتبة الباب)
مشاركة بقصة "يوم الخميس" في كتاب (أبجدية إبداع عفوي)
مشاركة بقصة "نُطفته" فيو مؤلفة "كتاب بنكهة مصر"
ليست هناك تعليقات:
إرسال تعليق