السبت، 19 نوفمبر، 2011

أنا خايف




انا خايف اصحى من النوم الاقلا مبارك رجع للكرسى

وانتقم من الشعب
البلد بتولع يا ناس
 ومحدش عارف حاجه لتانى مره
الاعلام الوطنى فى وادى 
والفضائيات فى وادى
والمعتصمين فى وادى
هو فى ايه
ولصالح مين وليه
مش البلد دى بلدنا كلنا
مش الداخليه دى المفروض تحمى أمننا
هى ليه مش بتتعامل بالعنف ده مع الخارجين على القانون
يعنى مش عارفين يمسكو البلطجيه من تسع شهور وهما بيسعوا فى مصر فسادا لكن بيمسكو النشطاء
طيب ليه
ده حتى الشباب عملو تغيير وثوره علشان  اللى يشتغل اكتر يلاقى مقابل لشغله
لحد امتى هنبقى تابعيين للكرسى ومن يجلس عليه
رحمتك يارب
يارب ارحم مصر واحميها
وفعلا عندى احساس انى هصحى من النوم الاقى مبارك قاعد ومربع فى الرئاسه
والكل بيخدمه زى زمان
والاعلام بيغنى فرحه برجوعه
امتى هنفوق بقى ونبص لمصلحة مصر
ونبديها على أى مصلحه شخصيه
هو لازم نقتله ولا نطرده برا البلد علشان نرتاح ونفوق
امتى بقى نطهر القضاء
والاعلام 
والفن وكل من له رأئين يعنى لو رجع مبارك هنلاقى تسعين بالمائه من الكتاب والفنانين ورجال الاعمال
بيستقبلوه بالترحاب ولا كأنهم بعد الثورة  كانو مع الثوره
امتى هنكون احنا 
مش تابعين لحد ولا ولائنا لمنصب

ليست هناك تعليقات: