يحكى أن

حكى إنه كان يا ما كان ...

كان فيه ثورة ... ثورة شعب ...
وكان فيه مجلس ... مجلس عسكر ...

قام الشعب بعد الثورة رفع المجلس فوق الراس ...
وقال ياسلام شايف جيشنا شايف الناس ونعم الناس ...

قام المجلس عمل إستفتا وقال للناس ياللا ياناس حطوا الخطة ...
راحوا الناس أدلوا بصوتهم قالوا كلمتهم عملوا الخطه .

قام المجلس قال ياسلام بس خلاص عرفنا الخطة ...
فرح الناس وقالوا أهي هانت أدي الناس وأدي المجلس وأدي الخطه فاضل زلطة ...

قام المجلس نط النطة ... وحطة يا بطه يا ديل القطة فين الخطة !!! إيه الخطة!!!! ليه الخطة!!! لمين الخطة!!! منين الخطة!!! راحت خطة وظهرت خطة!!!! ....

إصحي يا شعب كفاية مغالطة ...
وأوعاك تغلط نفس الغلطة ...

أصحى ياشعب وأحرس حقك وأوعى تسلم تاني رقبتك ...
وأوعاك تنسى أصل القصة ... أصل القصة إنه كان .. كان ياما كان ... كان فيه ثورة ... ثورة شعب