الاثنين، 3 أكتوبر، 2011

نوادر وزاره التربيه



السلام عليكم  ورحمه الله  وبركاته
اصدقائى  الغاليين
مع توديعنا لموسم الاجازات واستعدادنا للعام الدراسى الجديد
كالمعتاد وبأنتظام منقطع النظير
يطل علينا كل عام بدايه العام الدراسى ومشاكله التى لا تنتهى
العام الماضى وعلى غير العاده كان موضوع الانفلونزا
الذى بث الرعب فى قلوب الاهالى واولياء الامور
والمعلمين والطلبه
وما ترتب على ذلك من فوضى عارمه وغياب للطلبه
خلال الفصليين الدراسيين
وهذا العام
موضوع حيوى
موضوع الكتب الخارجيه
وازمه الكتب والالتزامات الماليه التى فرضت على ملاك الكتب
من مطابع لاشهر الكتب الخارجيه التى نعتمد عليها اعتمادا كليا فى
الدراسه
فرض وزير التعليم الله يكرمه ويبارك له
مبالغ ماليه طائله بأثر رجعى تحت بند  حقوق الملكيه الفكريه للوزاره
طيب يا عمنا يا وزير يا اللى كنت رئيس جامعه فى يوم من الايام
قبل ما تعمل كده ظبط كتبك
ظبط منهاجك مش تيجى قبل العام الدراسى ما يبدأ بكام اسبوع وتغير مناهج مراحل باكملها
ومين الضحيه الطالب
واولياء الامور
لا وايه كمان نفى يمسك تاب علوم ولا حساب للمدارس اللغات
واتحداه لو فهم منهم شيء
لان واضع الكتاب اساسا بيتعامل مع الطالب كانه باحث علمى
ولا مخترع ذره
ولا وعندهم ايمان قاطع ان الولاد فى المدرسه فى حصه الكومبيوتر
بيدخلو المعمل ويتصفحو النت
ولا لاسمح الله فى حصه المكتبه بيجلسوا على اجهزة الحاسب من اجل البحث عن معلومه
هو بيتخيل حاجات مش فى مصر خالص
يعنى مفتكرش ان اساسا بقى فى حصه مكتبه
ولو فى اكيد مش بتكون زى ماهو متخيل كده
واساسا مفيش نت فى المدارس علشان كل كتاب يقولك
ابحث عن المعلومه فى النت
طيب واللى مش عنده نت فى البيت
يعمل ايه
يجيب معلوماته منين
اذا كان لا كتب خارجيه ولا نت
يا عم الوزير
ارحمو عزيز قوم ذل
رفقا بنا  وبأوليلاء الامور
اللى  كل حياتنا واعتمادنا الكلى على الكتاب الخارجى من اجل التدرب على اكبر قدر من التدريبات فى مختلف المواد
مما يوسع مدارك اولادنا ويحصنهم ضد اى مدرس اول متعقد ولا متخانق مع مدامته ورايح يطلع غيظه فى الولاد
وحرام عليك لما تعامل اصحاب المكتبات كالمجرمين ولا
مهربى الممنوعات
ده اغلب مالكى المكتبات يا اما  مدرسين
او ناس عاديه بتبيع قلم ومسطره
وياترى ده ادامى انك تحاصر مطابع ومخازن الكتب بالبوليس
لان الملاك لم يدفعوا الارقام الخياليه بتاعتك
طيب ما هو ذنب الطلاب
وذنب اولياء الامور
حد يقولنا ياجماعه نعمل ايه
هو كل سنه بموال كده وحدودته
ارحمونا بقى زهقنا
!!!!!!!!!!!!!!!!!
ده كان موضوع نشرته العام الماضى هضيف عليه  العام ده اضراب معلمين اللى اساساً مش بنشوفهم فى الايام العاديه 
فمابالكم والبلد حالها كده حاله فوضى عارمه واضربات بالجمله فى شتى المجالات وعلى كل الاصعده
انا كنت فاكره ان هيكون بعد الثوره حاله جديده وافضل لكن هناك من يتلاعب بمجريات الامور وهناك من  يعمل على زياده تدهور الاوضاع فى مصر وهذا حتى نبكى على المخلوع ونتحسر على ايامه لكننا بنقول للكل هيهات يا مصبوغ قصدى يا مخلوع  
والايام بيننا  وبكره تشوف
............ز

ليست هناك تعليقات: