السبت، 1 أكتوبر، 2011

على الهامش



على هامش الثوره
رصدت حديث بينى وبين شاب مصرى طالب فى احدى الجامعات الخاصه
كان لابد من نقل فكره الذى بعتقد انه يعكس وجهه نظر من هم على شاكلته ومن هم علاقتهم بمصر اشهر الاجازه الصيفيه فقط حيث انه  تلقى تعليمه بالكامل فى احدى الدول العربيه
ان اردتم الحقيقه استفزنى جدا الحوار معه رغم انه من الصعب ان اثور  او استفز
اليكم الحوار

هل ما حدث فى مصر يعد ثوره ؟
وما راك انت ؟
انا شايف انها  جاءت معهم بالصدفه
ولنفرض؟
اذن هى ليست ثوره لان لابد ان يكون لكل ثوره قائد وهذه ليس لها قائد
ليس مهم المسمى المهم نتيجه حركتهم مجهودهم ايه ؟
انا شايف ان الشعب بعد الثوره اصبح ديكتاتور ؟
هل لانه عرف ان لصوته قيمه وان ممكن يحصل على ابسط حقوقه اصبح ديكتاتور
نعم والشعب المصرى شعب بتاع كلام بس وبيحب الهيصه
طبعا انا متغاظه منه  جدا  لحظه لو سمحت وانت ايه  جنسيتك ايه مكتوب ايه فى الجواز موزمبيقى ولا مصرى يا افندى قبل ما تتكلم عن مصر والمصريين روح اقرأ تاريخ وانت تعرف ان مصر ياما  مر عليها احداث اشد مما نمر به وقامت وقفت وعبرت واثبتت للكل انها  عريقه وتستحق انها تكون ام الدنيا
طيب شوفى مصر بعد ست شهور من دلوقتى هتلاقى مافى دولار والبلد هنقع
قلت له  يا افندى لو كانت هتقع كانت وقعت من دلوقتى لكن انزل الشارع هتلاقى ان مافى سلعه الا وهى موجوده بل بالعكس الاسعار اصبحت ارخص فى زياده فى المرتبات
قال لا فين ده
يبقى انت مش عايش فى مصر
الواضح ان علاقتك بمصر من خلال الاجازات فقط هى السبب لو جربت تركب اتوبيس وتتنظره بالساعات تبقى تعرف يعنى ايه مصر ويعنى ايه كان لازم تقوم الثوره
قال  لكن انا شايف ان مفيش امان واخاف من اى تجمع لان ممكن جدا يكون البلطجيه هما دول
قلت له : يا ابنى انت عايش بينا ومنذ بدء الثوره بقالنا اد ايه حوالى ثلاثه شهور بعد الثوره كام مره سمعت عن حادث اغتصاب ولا سرقه يا ابنى دلوقتى لو شعر الناس فى الشارع ان فى حاجه غلط هما اللى بيوجهو وهقلك دليل كان فى حادث تحرش فى عباس العقاد الشباب مسكو الولدين وقيدهم فى احد اعمده الاناره ولما جاءت الشرطه قالو اتركوهم حتى يصبحو عبره اليس فى البلد التى تربيت فيها بيمون القصاص علنيا ولا هو مقبول هناك ومكروه هنا  شوف يا ابنى شرف ليك انك تكون مصرى وقبل ما تتهجم على الشعب المصرى  وتغلط فيه روح اقرا التاريخ ولا هدلك على ابسط حاجه روح ذاكر ثوره 1919 نفس الطلبات لكن مع الاختلاف  الثوره العرابيه كانت ضد الاحتلال الانجليزى  لكن  ثوره 25 يناير ضد الفساد
نصيحه قبل ما تهاجم احد اعرف خلفيته التاريخيه
وهقولك انت مضايق ليه كمان
لانك ولان زملائك لن تستطيعو الذهاب للسينما واو الخروج كما كان فى السابق لان حظر التجول مقيد المحال والمطاعم الكبرى
ولانك أصبحت تقف فى طوابير حتى تحصل على بنزين لسيارتك ولان محدش بيقولك يا ............ بيه
لان عصر البهويه انتهى
اقرا تاريخ وبعدين نتكلم
!!!!!!!!!!!!!!!!!!!!!!!!!!!!!!!!!!!

ليست هناك تعليقات: