الاثنين، 17 أكتوبر، 2011

هموم مصريه

مقالى نشر بتاريخ  13 اكتوبر 2010 فى جدعان طيبين

هموم مصريه
احوال المصريين واضحه وضوح الشمس
لو عملت جوله فى الاسواق المصريه لا تتعجب اطلاقا
لو هالتك الاسعار
فالمفروض اننا بلد زراعيه

كنا بندرس فى كتب الجغرافيا انه على قائمه التصدير
كانت محاصيل القطن والقمح والارز
تعالى دلوقتى هتلاقى اننا بنشغل المرتبه الاولى فى استيراد نفس السلع
معقوووووول
يا ترى ايه اللى اتغير
الذمم ولا النفوس
ولا زى ما المسؤلين بيقولو ان تعداد السكان هو السبب
تعالو بقى نلقى نظره على الاسعار
الملحوظ
ان الفاكهه اسعارها ارخص من الخضار
طيب ممكن نطبخ بالبلح
ولا الجوافه ولا العنب
بجد مش عارفه
لما يصل ثمن كيلو الطماطم لاكثر من عشره جنيهات
وكمان سعر الفاصوليا الخضراء ل 25 جنيه مصرى
طيب ليه
والحقيقه لما تطرح السؤال
تلاقى اجابات تستخف بالعقول
الكل يلقى بالمسؤليه على غيره
الفلاح او المزارع يقول وزاره الزراعه باعت لنا حبوب فاسده
والوزاره تقولك موجه الحر هى السبب
طيب يا ترى مين اللى عنده حق ومين المسؤل
اكيد الواد ابو سويلم
او الواد ماس ولا الواد معتوه
ماهما دول سبب كل مشاكل المصريين
طيب تعالو كده نحسبها من جه تانيه
لما المواطن المحدود الدخل يلاقى اسعار كده يأكل ايه
حتى الفول
غذاء الغلابه سعره ارتفع
طيب لو بطلنا ناكل فول مين هيعطل اشارات المرور
!!!!!!!!!!!!!!!!1
والغريب جدا ان مبقاش بس البنى ادميين هما اللى بيشتكو من
ارتفاع الاسعار
لا ده كمان رصدت الكاميرات مجاعه
بدأت تكتسح مجتمع القطط والكلاب
وتعددت الشكوى انهم يا حرام مش بيلاقو زى زمان
بقايا اللحوم والدجاج فى القمامه
ولما سألنا ليه هما على ابواب مجاعه
لقينا السبب والسر الرهيب
ان الواد ابوسويلم رفع اسعار اللحوم للاكثر من 110 جنيها مصرى
وكمان حاله نقص شديد للاسماك
واصبحنا نستوردها كمان
اصل مش لاننا لا سمح الله حبانا بموقع جغلاافى بيطل على بحرين من اكبر البحار يبقى عندنا سمك
ولا لاننا عندنا نهر النيل
ولا بحيرات
يبقى عندنا فائض
لالالالالالا
احنا اكيد فاهمين غلط
الحقيقه مش عارفه
العيب فينا ولا فيهم ولا فى السمك
ولا المياه ولا البيضه ولا الفرخه
انا من البلد دى انت منين
؟؟؟؟؟
ولو عندك حلول ياريت تشاركونا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


أمل زياده

والان وتقريبا بعد عام من كتابته نفس الاوضاع  ونفس الجشع ونفس الارتفاع فى الاسعار رغم قيام ثورة يناير التى نزعم انها ازهلت العالم  حد عنده تفسير ؟

مجنونه يا قوطه

ليست هناك تعليقات: